Kinabuhi sa Influencer

CEBU, Philippines — Daw mataodtaoran pa usa mobalik sa pag-arte si Heart Evangelista. Nalingaw pa siya sa iyang gibuksan nga beauty and wellness company ingon man fashion show invites sa nagkadaiyang nasud.  Nalingaw sab siya sa iyang pagka social media influencer.

“For now parang wala,” nagkanayon siya ngadto sa PUSH, kabahin sa posibilidad nga mobalik na siya og arte. “For now parang wala pa. I am really enjoying what I do. Para akong nakatikim ng you know, I got to see different world and I really enjoy it and this world is really expressing yourself.”

Ganahan siya sa iyang pagka influencer kay dili siya kinahanglang magpa aron ingnon. Gibayran siya aron magpaka siya.

 “You’re not playing a character. You’re yourself and it’s your job to be that. Parang it’s fun.”

Ug bisan og kanunay siyang gwapa sa iyang mga social media post, aduna sab gyuy panahon nga bation siyag ka bati'g nawong.

“Of course,” niya pa. “Of course there are days na you don’t feel beautiful. There are days that whether you feel for yourself or you feel it from other people. But you know sa dami ng pinagdaanan ko na sa buhay ko, I think I owe it to myself to know whether [or not] I look good or [if] physically I am not nice looking.

Gidayeg si Lovi

Gipauwanan og pagdayeg si Lovi Poe sa iyang mga co-stars sa Pinoy adaptation sa ABS-CBN sa Korean series Flower of Evil. Matud ni Denise Laurel, labihan ka professional ni Lovi, diin wala gyud kini reklamo sa iyang eksena, ingon man wala nipakita og kulba bisan pa man og bag-o siya sa ABS-CBN, bag-o ang iyang mga nakauban ug nagpas-an siya og responsibilidad isip bida. Si Piolo sab nidayeg kang Lovi diin gawas nga maayo gyud kini motrabaho, usa sab ang aktres matud pa mga labing sayon ka eksena sa tanan niyang leading ladies. Karong Lunes na kini mulugwa sa A2Z ug Kapamilya Channel. Apan una na kining nasud-ong sa 16 ka mga nasud sugod kagabii, pinaagi sa streaming app Viu.

Reality shows

Gikatakdang ilusad sa GMA7 ang duha ka mga reality shows kansang katungod sa paghimo og version dinhi sa nasud ilang napanag-iya. Una mao ang Season 5 sa The Clash. Mobalik sila si Aiai delas Alas, Christian Bautista ug Lani Misalucha isip judge/mentor. Mobalik sab isip Clash masters o hosts ang gidungog nga manag-uyab na karon nga sila si Julie Ann San Jose ug Rayver Cruz. Walay balita kun mobalik ba sab sila si Rita Daniela ug Ken Chan isip journey hosts. Ang upat ka grand champions nga produkto sa The Clash mao sila si  Golden Cañedo, Jeremiah Tiangco, Jessica Villarubin, ug Marianne Osabel. Ang ikaduha nga show nga himuon sa GMA7 sa dili madugay mao ang Battle of the Judges nga iyaha sa Freemantle. Mga celebrity judges ang magtigi niining maong show, diin aduna silay mga teammates.

Frontal nudity

Katulo namintana ang junior ni Sid Lucero sa pelikulang Virgin Forest nga ubos sa direksyon ni Brillante Mendoza ug makita na pinaagi sa Vivamax sugod karong adlawa. Matud ni Sid ngadto sa PEP human sa special screening sa usa ka sinehan didto sa Quezon, City niadtong Miyerkoles, wala na siya magplaster kay basi sa iyang nahibaw-an magbugdo matud pa. Gawas pa, Brillante Mendoza film, busa wala na siya nag-inarte. Dugang pa niya, natural ra man sab gyud nga reaksyon sa iyang karakter nga masaag sa usa ka dapit nga adunay waterfalls, maligo nga hubo.  "I wanted to be as natural as possible lang talaga, as in you know. I mean, I think, it’s about time na, e. And Vivamax being an online thing is a good avenue for us to actually start opening ourselves up to the sexuality of things. It’s actually a normal thing, come on, guys! Ang dami-dami natin sa Pilipinas!

Dominic, kapuso na

Mulugwa pagbalik sa GMA7 si Dominic Ochoa human sa 26 ka tuig nga sa ABS-CBN siya nagpasilong. Sigon sa balita sa 24 Oras niadtong Moyerkoles, malakip si Dominic sa umaabot nga teleserye nga mag-ulohan og “ Abot  Kamay Na Pangarap” kauban sila si Jillian Ward, Richard Yap, Andre Paras ug Carmina Villaroel. Nisikat si Dominic sa ABS-CBN, apan ang una gyud niyang show sa television mao ang iyang pag-guest sa youth-oriented show sa GMA7 nga T.G.I.S, 25 na ka tuig ang nilabay. Ang umaabot niya nga teleserye maoy magsilbi nga regular project niya sa Kapuso Network.