"Abang Anne"

Karong adlawa, May 21, hingpit na nga mobalik si Anne Curtis isip co-host sa ABS-CBN noontime show It's Showtime. Duha ka tuig siya nga nipahuway una sa showbiz diin iyang gihimugso ang iyang anak nga si Dahlia didto sa Australia.

Ipakita ang iyaha

Walay limitasyon si Aljur Abrenica sa sexy scenes. Kana kun kinahanglanon gyud matud pa sa istorya. Musugot siya og frontal nudity, o ipakita niya ang iyaha kun mao gyuy pangayuon sa script. Kasamtangang nag-shoot si Aljur sa suspense thriller nga The Revelation didto sa Tagaytay. Co-stars niya ang iyang manghud nga si Vin, si Jelai Andres ug Ana Jalandoni.

BFF kaayo

Gisungog sila si Sef Cadayona ug Kokoy de Santos nga aduna nay relasyon labaw pa sa panaghigalaay gumikan sa kasuod nila karon. Namugna ang maayo nilang panaghigalaay sa Pepito Manaloto: Ang Unang Kwento, diin si Sef ang bida, ug bestfriend niya si Kokoy. Nisamot kini dihang na-guest si Kokoy sa Bubble Gang hangtud na nga nahimong regular cast member, diin namugnaan pa sila og segment nga BFF, diin sa mga milktea shop ang ilang mga eksena ug magsige lamang og pamantay. Managsama nga gidayeg nila ang usag-usa gumikan sa ilang mga abilidad sa pagpakatawa. Apan sayud ang showbiz insiders nga suod ra gyud sila ug mga lalaki gyud sila.