“Okay na kami”

CEBU, Philippines — Wala na maglaom pa si  ABS-CBN TV and Entertainment Production, ug Star Magic head Laurenti Dyogi nga mahibalik pa ang prangkisa sa ilang estasyon. Suma pa niya ngadto sa exclusive interview sa PEP, naka move on na sila, naka-adjust na sila, duha ka tuig human sa nahitabo.  "Ako, kung ano ang mayroon kami ngayon, yun na lang ang tatrabahuhin namin. Ayoko nang umasa, nanggaling na kami dun, okay na kami.”  Alang sa director, kun wala pa nawagtang ang ilang prangkisa, dili unta sila daghan og mahimo. "Ngayon nga, ang dami naming plataporma, nakakapag-partner kami. Kung may prangkisa pa kami, siguro hindi namin nagawa yun kasi naka-focus ang trabaho namin sa broadcast. Ngayon, happy na kami na marami na kaming nasisilbihan. Nagkaroon ng partnership with GMA, may TV5, A2Z, and a lot more. Yung KathNiel naman, first time mauuna pa ang Netflix. Maraming posibilidad, hindi ito mangyayari before."

Gugma sa musika

Music ang focus karon ni Ian Veneracion, ilabi na nga bag-ohay lamang siya nahimong sakop sa A Team, ang talent management company nga gipanag-iya ni Ogie Alcasid. Suma pa niya, dugay na silang managhigala ni Ogie, nag-concert pa sila, ug daghan sila og mga online projects atol sa pandemya, busa, wala siya nagduha-duha pagpasakop sa talent agency sa singer/composer/actor. Matud pa ni Ian, kun magkuyog sila ni Ogie, dili sila maghisgot og trabaho. Musika matud pa ang kanunay nilang istoryahan. Ug kun mahitungod na sa trabaho, dili si Ogie maoy iyang hinabion, kundili ang mga sakop sa team.

Bag-og manager

Nibalhin sab og management team si Beauty Gonzales. Human sa pito ka tuig nga pagdumala ni Arnold Vegafria, nitabok siya ngadto sa kampo sa beterana sab nga talent manager nga si Becky Aguila. Sa exclusive interview sa PEP kaniya, niingon si Beauty: “Yeah, I mean, the whole world is changing, kailangan sumabay na ako sa change. We should carry on. We should not be stuck with what’s happening.” Matud niya, sa unang panag-istorya nila ni Aguila, nabatyagan niya nga mura kini niya og inahan, hinungdan nga natibuok ang iyang hukom nga mobalhin sa poder niini.  “When I first talked to her, I felt like I see my mom. So, not a question anymore, I felt the mom presence, yung ganun. My mom is far away.”

Dili diay arte

Giangkon ni Glaiza de Castro ngadto sa PEP nga sa sinugdanan, medyo nabalaka sila nga basin malisud ikatrabaho si Xian Lim, ilabi na nga boy- next door ug seryoso ang mga roles niini sa iyang mga proyekto. Sila si Xian ug Glaiza maoy magkatrabaho isip magtiayon sa teleserye sa GMA7 nga False Positive nga duha ka semana na lamang ang kuwang ug mapupos na kini sanglit upat ka mga semana ra gyud ang gidugayon sa istorya niini. Apan matud pa ni Glaiza, nasurprisa sila kang Xian sanglit nindot matud pa kini ikatrabaho ug komedyante pud. Dili matud pa arte.

Dili si Ruffa

Human sa 29 ka mga tuig, giklaro ni Michelle Aldana ang nigawas sa usa ka pageant vlog niining bag-o lang nga matud pa, si Ruffa Gutierrez ang rason kaniadto nga niatras siya sa iyang tinguha nga mosalmot sa Bb. Pilipinas 1993. Ang tsika mao nga, surprise ang paglugwa ni Ruffa sa last minute sa screening, ug pagkakita sa ubang mga buot mosalmot, niatras sila. Lakip na kanila mao si Michelle. Apan matud ni Michelle sa post sa Pageanthology 101, wala siya niatras gumikan kang Ruffa. Nakadawat siya og tawag alang sa usa ka TV commercial, naghuwat-huwat unta siya sa pamasin nga makapa- screen siya sa dili pa molakaw, apan wala kini nahitabo. Gumikan niini, sa Mutya ng Pilipinas siya nisalmot, diin siya’y nidaog, ug nirepresenta sa nasud sa Miss Asia Pacific diin siya sab ang na rayna. Atua na sa South Africa nagbase si Michelle kauban ang iyang pamilya. Sa nilabay nga tuig, nipauli siya sa nasud diin gihimo niya ang Love You Stranger, ang umaabot nga teleserye nila ni Gabbi Garcia ug Khalil Ramos sa GMA7.

Everyday Inspiration

"Happiest birthday to the one and only Asia's Limitless Star and my everyday inspiration." Kana maoy caption ni Rayver Cruz niining hulagway nga iyang gi-upload sa IG kagahapon sa hapon isip greeting sa taod-taod na nga gidudahang iyang uyab nga si Julie Ann San Jose.