"Endless joy..."

CEBU, Philippines — Wala na naghunahuna pa og laing network si 2021 Miss Universe Philippines Rabiya Mateo sanglit gipaabot na siyang daan sa GMA7 bisan wala pa siya nilupad paingon sa iyang international pageant. Hingpit siyang nipirma og kontrata sa nilabay nga bulan. “Hindi lahat nabibigyan ng ganitong offer. So, ngayon nasa pandemic pa tayo, a lot of people have been struggling kung saan sila hahanap ng trabaho.Pero ako, at least, may nakakakita ng potensiyal ko, kaya grateful lang po talaga. Yun lang po talaga ang nasa heart ko. Parang endless joy, endless feeling of being grateful to those people who saw something in me."

Naa na gyud sa ABS-CBN

Wala pa mulugwa ang karakter niya sa FPJ's: Ang Probinsyano, apan kumpirmado nga naa na ang beteranong aktor nga si Roi Vinzon sa nataran sa ABS-CBN, human sa walo ka mga tuig isip kapuso. Pero kasamtangan pa siya nga makita sa GMA7 series nga "To Love & To Hold", nga anaa na sa katapusang tulo ka mga semana nga pagsalida. Lakip sa mga teleserye ni Roi sa GMA7 mao ang My Husband’s Lover (2013), Carmela (2014), Second Chances (2015), Encantadia (2016), Pamilya Roces (2018), Descendants of the Sun (2021), ug Agimat ng Agila (2021).

Nauyab si Piolo ug Aga

Na-intriga na kaniadto, apan karon lamang nakabaton og kumpirmasyon nga nauyab ni Pops Fernandez sila si Piolo Pascual ug Aga Muhlach. Naggikan mismo kang Pops ang kumpirmasyon pinaagi sa iyang latest vlog nga gi-upload sa nilabay nga adlaw diin nipailawom siya "Jojowain, Totropahin, Dededmahin o Dadakmain Challenge," kauban iyang mga higala nga sila si Joy Ortega ug ang  managsuon Lara Melissa de Leon ug Toni Abad.“Na-jowa ko na siya so Jojowain. Jowa lang, ha?”, nagkanayon si Pops dihang na-mention ang ngalan ni Piolo. "Troropahin", ang tubag ni Pops mahitungod kang Aga. Apan dihang ginganla'g "plastic" sa iyang mga higala, niingon siya: “Hindi nga… friends…. bakit? Ex ko na siya so friends na tayo." Ex-boyfriends sab niya sila si Jomari Yllana ug Brad Turvey.

Nilugwa na

Gipagawas na sa ABS-CBN ang unang teaser sa ilang adaptation sa British series "Dr. Forster" nga pagaulohan og "The Broken Marriage Vow." Lakip sa mga eksena nga gipakita mao ang pagkadiskubre sa karakter ni Jodi Sta. Maria nga may laing cellphone sa compartment sa sakyanan sa iyang bana (Zanjoe Marudo). Gipakita sab  ang kinawat-kawat nga holding hands ug sa kabit (Sue Ramirez) niini atol sa birthday party sa iyang bana. Ang tibuok teaser ipakita sa umaabot December 15. Sa Baguio City, gipahigayon ang tanang eksena sa maong serye.

Wala damha...

Giangkon ni Luis Manzano sa interview ni G3 San Diego niya niining bag-o lang, nga nahugyaw siya ug ang iyang asawa nga si Jessy Mendiola sa relasyon sa iyang amahan nga si Edu ug Cherrie Pie Picache.

“We were caught off guard. Talagang no one saw it coming. I don’t even think dad and tita Pie saw it coming. I think a friend of mine took a picture with them tapos he sent me a picture. He was with daddy and tita Pie. Date night yata sila. So I sent the picture back to daddy. I said, ‘Uy daddy, ano ah, happy boy ka.’ Sabi niya, ‘Yes anak, happing happy.’ parang ganun, ” angkon niya.

Naila sa pagka komedyante, nihirit pud si Luis:  “Kunwari lang next year, we’re hoping and praying na kung maibabalik ang prangkisa ng ABS-CBN, feeling ko baka si Daddy at saka si Tita Pie, baka itapat sa KathNiel. Ganun (nibuhakhak)."

Idolo gyud niya ang iyang amahan kabahin sa pagpangga og hinigugma.

“It would boil down to the same thing, kung paano nirerespeto ang kanyang kasama. You know, that’s one thing na nakikita ko kay Daddy and how he takes care of his partner talaga. And nakikita ko rin naman how happy he is with Tita Pie, In fact trivia, my very first teleserye Kampanerang Kuba, to some degree yung character, parang stepmom ko dun si tita Pie. So ang galing lang di ba?”

Unang napagya ang nagkalami nga relasyon nila ni Edu ug Cherrie Pie human nga sikit kaayo sila sa ilang mga hulagway sa pagbakasyon nila sa Amerika. Nagtuo ang kadaghanan nga nadutlan sila sa ilang mga roles sa romantic-comedy series nga Marry Me, Marry You, diin nidala sila isip mga ginikanan sa karakter ni Paulo Avelino.