November diay

CEBU, Philippines — "Destination wedding" ang umaabot nga kasal nila ni Derek Ramsay ug Ellen Adarna, nga matud pa sa PEP Troika, mahitabo sunod bulan. Ang tsika, medyo tungason ang location pero may beach inig lugsong. Hugot nga gidid-an nila ni Ellen ug Derek ang mga imbitado nga dili gyud ipanabi ang mga detalye sama sa asa ug kanus-a gyud kini mahitabo. Dili kaha 11-11?

Ayaw sige'g intriga!

Giunhan na lamang ni Pia Wurtzbach ang mga intrigira nga sige og sabong kanila ni Catriona Gray. Nasayran nga nag-upload og hulagway nilang mga beauty queens ang Miss South Africa IG account apan wala si Catriona. Pwes, aron wala  nay issue, nikomento dayon si Pia nga kalit-kalit ang maong photo shoot, ug maong wala si Catriona kay sayo ang flight niini paingon sa lain na sab niini nga trabaho. Puros nilugwa sila si Pia ug Catriona sa bag-o lamang gipahigayon nga Miss South Africa pageant. Si Pia, usa sa mga hurado, samtang si Catriona lakip sa hosts sa pre pageant ug sa coronation night.

"Stepping stone"

Labihan ang kalipay sa bag-ong sexy star nga si Angeli Khang gumikan kay human siya gipaila pinaagi sa "Taya", gihatagan na siya og launching movie sa Viva Films. Kini mao ang "Madjong Nights", kauban sila si Sean de Guzman ug Jay Manalo. Suma pa sa half-Korean, half-Pinoy starlet, stepping stone lamang niya ang pagpa sexy aron matuman ang iyang pangandoy nga mamahimong de kalidad nga aktres. Maayo manabi si Angeli. Produkto siya sa usa ka international school, ug nakapuyo sa Amerika og duha ka mga tuig busa lehiro siya og English. Makamao sab siya mo Korean.

Sayong pinaskohan

Perteng lipaya ni Rosanna Roces kay wala siya nagdahom nga tinud-on diay ni Coco Martin ang giingon niini nga palitan niya og oven ang iyang, "Mommy O." Post ni Osang sa IG nga nasorpresa siya nga pag-abot ni Julia Montes sa ilang lock in taping sa FPJ's: Ang Probinsyano, may dala na kining oven. "Ang aga ng Pasko ko hahahaha... Ansarap sa pakiramdam pag inaalam nila yung hilig mo tapos reregaluhan ka nila dahil alam nilang magagamit ito ng husto. Salamat,” tipik sa post ni Osang. Gi special mention niya ang iyang co-stars nga sila si Coco ug Julia ug niingon, “Love ko kayong dalawa. I te-treasure ko ‘to ng husto.”

Sa Lizquen unta

Gibutyag ni ABS-CBN Films managing director Olivia Lamasan sa interview ni Toni Gonzaga nga ang pelikulang Hello, Love, Goodbye, para gyud unta sa LizQuen o sa loveteam nila ni Liza Soberano ug Enrique Gil. Apan dili mahimo si Liza atong tungora sanglit nangandam kini alang sa Darna movie. Hangtud nga nahimong Kathniel o loveteam nila ni Kathryn Bernardo ug Daniel Padilla. Pero sa nisunod nga pagtimbangtimbang si Kathryn ug Alden Richards maoy nagpares. Ang nahisgutang pelikula maoy highest grossing Filipino film of all time. Nihipos kini og P880 million sa box office. Samtang, na injury si Liza, hinungdan nga niatras siya sa Darna project, hinungdan nga napasa kini ngadto kang Jane de Leon. Ug gikan sa movie, himuon na kini nga teleserye sa ABS-CBN sugod sunod bulan.

Dili lalim magkontrabida

Gawas sa pag-angkon nga anaa sila karon sa proseso aron magbalik sila sa iyang bana nga si Alwyn Uytingco, giangkon sab ni Jennica Garcia sa virtual presscon sa iyang comeback series nga Las Hermanas nga naglisud siya sa iyang role.

Kontrabida siya sa maong teleserye nga molugwa na sa GMA7 sa umaabot Lunes, October 25. Pito ka tuig siyang nahunong sa pag-arte.

"Ito kasi yung pinakaunang kontrabida role po na naibigay sa akin.

"Hindi ko alam, I’m really hoping to get one before when I was actively doing work for GMA. But for some reason, kahit sabihin namin, parang hindi ganung roles ang naibibigay.

"So ito, masayang-masaya ako na tanggapin siya, but I have to be honest, nahirapan po akong talaga."

Padayon niya:  "Nahirapan ako kasi bago siya sa akin. Dito ko nalaman na napakahirap palang maging isang kontrabida kumpara sa role na parang api ka or ikaw yung underdog.

"Kasi, mabigat yung emotion na kailangang dalhin, and at the same time, yung role ko po kasi is very different from my real personality.

"Siyempre, when we do a new character, we want to offer something new pero hindi maiiwasan na lumalabas pa rin yung tunay na ikaw, right?"

Suma pa ni Jennica, dakong hagit niya ang iyang karakter kay lahi kaayo kini og personalidad kaniya. Hinay ug pinahiluna gyud siya mosulti sa tinuod nga kinabuhi.

"Pero ang iniisip ko na lang po, kailangan ko talagang paghusayan para makita rin ng mga viewers natin kung ano ang aral if you have that kind of attitude toward others or if you have that personality.

"Kasi minsan, di ba, kapag madali tayong magmata ng ibang tao, mas lalong hindi natin namamalayan na tayo sa sarili natin, ganun din tayo.

"So, sana marami po silang aral na matutunan."

Undangon na lang....

Gitubag ni Robi Domingo ang nagpailang Mayward fan (Maymay Entrata-Edward Barber loveteam), nga nipasangil niya nga gigamit lamang niini ang PBB teen big winner.

Pangankon pa sa fan, daghang mga Mayward fans ang napungot na kang Robi kay daw pabor kini kang Donny Pangilinan para kang Maymay.

Matud pa sa maong fan, unta respituhon ni Robi ang feelings ni Edward. Kanhi magloveteam ang Mayward apan sa nilabay nga tuig nagbuwag una sila og dalan nga gisubay para sa ilang career.

Magkatrabaho karon si Maymay ug Robi sanglit ang TV host maoy producer sa show nga "Call Me Maybi" nga makita pinaagi sa Kumu matag Biyernes sa gabii.

Agig reaksyon, giklaro ni Robi nga walay relasyon sila si Maymay ug Donny gawas sa panaghigalaay.

Suma pa niya, giisip niyang suod nga higala si Edward busa nasayud siya sa iyang gibuhat.

Matud niya, kun ugaling padayong magpa ka toxic o nega ang ubang fans, maayo pa nga hunungon na lang niya ang ilang show ni Maymay.

Suma pa ni Robi, tuyo siya nga nagproduce og maong show sanglit nakita niya ang potensyal ni Maymay.

Apan kun gilain diay og sabot sa fans, maypa undangon na lamang kay nagpasabot kini nga palpak siya isip producer.