Gitinuod og bugno!

CEBU, Philippines — Nahinaykan gyud ni Cindy Miranda ang iyang co-star nga si Sunshine Guimary sa ilang fight scenes sa Viva movie nga "House Tour" nga isalida na sa VivaMax sa umaabot October 22.

Suma pa sa kanhi beauty-queen, nangayo na siya og sorry kang Sunshine daan sa dayon nilang take sa maong eksena kun ugaling matinuod gyud niya ang iyang aksyon.

“I told Sunshine, pasensya na talaga kung masaktan kita kahit hindi ko intensyon kasi may tao talaga na mabigat ang kamay.

“Saka kapag nasa eksena ako, nawawala ako sa sarili ko. In the zone ako palagi, so inunahan ko na si Sunshine." Nagkanayon si Cindy atol sa virtual presscon niining bag-o lang.

Agig reaksyon, niingon si Sunshine nga nakasabot siya nga tipik lamang sa trabaho ang nahitabo.

“May mga galos ako sa skin pero part yun ng work so for me, it’s nothing at all. Naka-panty at bra lang ako tapos bukid yung location—putikan, burol, awayan.

“Hindi talaga maiiwasan na magkasugat-sugat, magkasakitan. For me it’s nothing, wala naman isyu at all,” niya pa.

Kauban nila sa maong pelikula sila si Diego Loyzaga ug Mark Anthony Fernandez.

Sweet sweetan sa Bohol

Gi-display na ba nila ni Piolo Pascual ug Shaina Magdayao ang matuod nilang relasyon?

Kahinumduman nga niadtong 2017, daghang gikilig sa pamahayag ni Piolo nga lima ka mga tuig na silang "exclusively dating" sila ni Shaina. Apan ang dalaga niingon nga tinuod nga "present" si Piolo sa iyang kinabuhi apan wala silay commitment sa usa'g-usa.

Apan niining bag-o lang, nakilig ang netizens ug naintriga sab human nikatap ang sweet photos nila ni Piolo ug Shaina.

May hulagway nga gigakos ni Piolo si Shaina, samtang naa sila sa billiard table, diin naa sab si Raymart Santiago ug usa ka wala mailhing lalaki.

Naa say hulagway nga kuyog sila si Piolo, Shaina, Raymart ug Jodi Sta. Maria nga tam-is kaayo'g mga pahiyom.

Suma pa, kuha ang maong mga hulagway didto sa Bohol. Wala matino kun nagdungan o kuyog ba og abot ang mga nahisgutan didto. Kahinomduman nga usa ka tuig na sukad giangkon nila ni Jodi ug Raymart ang ilang relasyon.

May hulagway sab si Piolo ug Shaina nga nag-holding hands. Naa say medyo hanap nga hulagway ug dili maklaro ang mga dagway, apan matud pa, sila si Piolo ug Shaina kadto.

Sa maong hulagway, niunlan si Piolo sa paa ni Shaina, samtang ang nahisgutan nag-unlan sab sa dughan sa aktor.

Dating app

Giangkon ni 2013 Miss Universe runner-up, Ariella Arida nga mogamit sab siya og dating app, kun motravel siya abroad. Apan wala pa siya'y gi-meet."Pero mostly din ang nakakausap ko parang ang dating sa kanila I’m messaging them because kailangan ko ng parang tour guide dun sa isang place kasi nga tourist ako, something like that. So wala, harmless naman. Pero actually fun siya gawin (laughs)." Bida si Ariella sa pelikula sa Viva Films nga "Ang Sarap Mong Patayin" nga mahitungod sa catfishing o pagpaka arong ingnon online.

"Personal decision"

Giklaro ni Angeli Pangilinan pinaagi sa Twitter kagahapon sa buntag nga dili mobiya sa ABS-CBN ang iyang bana nga si Gary V. Nitumaw ang pagduda human nihangyo si Gary og pag-ampo adtong Biyernes kay may major decision matud pa siya nga himuon. Nisamot ang pagduda human wala igkita ang singer sa ASAP Natin 'To adtong Domingo. Apan matud ni Angeli, nataptan og dengue si Gary, pero subli na kining makita sa maong Sunday variety show sa sunod episode. Matud ni Angeli, "personal decision" ang gipasabot ni Gary ug wala gyud matud pa mosantop sa ilang hunahuna nga mobalhin ang singer og network.

Sa Frontline padung...

Human nigawas ang tsika nga maglisud na og balik sa ABS-CBN si Noli de Castro, may mga showbiz observer nga nagtuo nga sa TV5 molugwa ang nahisgutang broadcast-journalist pinaagi sa major news program sa estasyon nga mao ang Frontline Pilipinas. Kini ilabi na kay matud pa, wala na si Raffy Tulfo sa maong programa gumikan usab sa politikanhong tinguha niini. Kahinomduman nga October 8, nibiya si Noli sa TV Patrol ug sa iyang programa sa DZMM sanglit magpapili kini pagka-senador. Apan damtan og lima ka adlaw, niatras si Noli sa iyang kandidatura kay matud pa, mas makaserbisyo siya sa publiko isip broadcaster. Apan matud pa, dili na pwedeng papahawaon si Karen Davila nga maoy nihulip kang Noli sa TV Patrol nianang pagka October 11. Gihulipan na sab si Karen ni Pia Gutierrez isip co-anchor ni Tony Velasquez sa The World Tonight sa ANC.