Very hot

Labihan matud pa ka init sa ilang love scene ni Cindy Miranda. "Naka-love scene ko na sina Joyce Jimenez, G Tongi, Claudine, pero si Cindy po ang isa umaatikabong love scene ko ever," pasigarbong tsika ni Mark Anthony Fernandez kabahin sa ilang eksena sa pelikulang House Tour nga mag-streaming na sa October 22, pinaagi sa VivaMax. Kauban nila niining maong pelikula sila si Marco Gomez, Cindy Miranda, Sunshine Guimary, Diego Loyzaga, ug Rafa Siguion-Reyna.

Baga'g nawong!

Giingnan matud pa si Angeline Quinto sa iyang ex-boyfriend kaniadto nga dili siya angay maguol kay kun magkaproblema kini ug ang bag-o niining uyab, mobalik siya sa singer. Labihan matud pang pungota ni Angeline kaniadto gumikan niini. Third year high school siya dihang nahitabo kini, ug first year college ang lalaki. Kinse ka tuig human sila nagbuwag, magpada pada matud pa og mensahe ang lalaki niya pinaagi sa IG karon,  pero dili na interesado ang singer. Mutubag lamang siya kun mataymingan. Kana tanan maoy gibutyag ni Angeline atol sa exclusive interview sa PEP niya alang sa promo sa 10Q, ang 10th anniversary concert series ni Angeline nga magsugod sa October 29, 2021 hangtud  February 19, 2022.

Dili lalim

Dakong hagit kang Jeric Raval ang pelikula niyang Barumbadings kauban sila si Baron Geisler, Mark Anthony Fernandez ug Joel Torre. Kini kay sa maong pelikula, mga bayot silang upat. "Napakahirap talagang mag-fight scene nang naka-stiletto at yung takbuhan namin na naka-stiletto shoes. Kapag nasa hotel room ako, ang ginagawa ko, nagpa-practice akong maglakad mag-isa para lang makapaglakad ako nang maganda." Nagkanayon siya. Iyaha sa Viva Films ang maong pelikula, ug sinuwat ug ubos sa direksyon ni Darryl Yap.