Banat Showbiz

Mura’g tinuod gyud…

Banat

September 28, 2021 | 12:00am

Faith de Salva.

CEBU, Philippines — Wala gihimakak, apan wala sab angkuna sa 20 year old newcomer nga si Faith de Salva ang taod-taod na nga tsika nga aduna silay relasyon sa 60 year old award-winning actor nga si Albert Martinez.

Nitumaw ang tsika sanglit nagkauban sila si Faith ug Albert sa lock in taping sa GMA7 series nga Las Hermanas, ang unang teleserye sa actor sa iyang pagbalik sa Kapuso Network gikan sa ABS-CBN.

Si Faith ang guest sa Boobay & Tekla Show nila ni Boobay ug Tekla niadtong Domingo sa gabii ug diretso nga gipangutana sa duruha unsa ka tinuod ang istorya nga nagkauyab sila ni Albert ug Faith.

Apan dili direkta ang tubag sa dalaga kinsa nangandoy nga mamahimong beauty queen ugma damlag sama sa ka anggid niya og dagway nga si 2015 Miss Universe Pia Wurtzbach.

Niya pa, “Iba yung relationship namin together. Komportable kami sa isa’t isa.

"Masaya ako na nakilala ko siya in a deeper level. He was really there to support me and guide me.

"Maalaga kasi talaga siya and very grateful ako na yung side na yun of him, e, nakita ko dahil hindi ko ine-expect na isang beteranong aktor, e, ganoon makitungo sa akin.”

Anak si Faith sa 48 year old actor nga si Dennis de Salva kinsa natingkagol sa bilangguan gumikan sa kasong child abuse.

Pero sa pangutana kun bukas ba siya makig relasyon og edaran na, nagkanayon ang dalaga: “For me, walang edad na pinipili ang pagmamahal. Basta maramdaman mo na totoo yung nararamdaman mo sa tao.

"Regardless of the age, kahit anong bagay ‘yan, basta mahal ninyo ang isa’t isa, wala kayong tinatapakang tao, e, go lang ‘yan!"

Matud ni Faith nagsungugay sila sa actor kabahin sa tsismis nga naglambigit kanilang duha.

"Para sa aming dalawa kasi, professional lamang lahat. Walang ilangan.

"The fact na nakikita ng mga tao na okay ang chemistry namin together, I think yun ang mas importante sa amin."

Byudo na si Albert human nipanaw ang iyang asawa nga si Liezel Martinez niadtong 2015.

Steffi, Corazon, Katrina, FTW!

Tulo ang para kang 2013 Miss Universe 3rd runner-up, Ariella Arida ang mga lig-on nga magtigi alang sa korona sa Miss Universe Philippines 2021. Sila mao ang mga pambato sa Mandaluyong, Taguig ug Cebu Province.

“I love this girl from Mandaluyong – Maria Corazon Abalos. Sobrang Pilipina-looking niya. I love her beauty kasi, eh, Pinay na Pinay,” nagkanayon si Ara, kansang pelikula nga nag-ulohan og “Sarap Mong Patayin”, isalida sa VivaMax sa October 15.

Kabahin sab kang Miss Taguig: “I also like Katrina Dimaranan. Well, my take lang kasi if tuloy yung Miss Universe this December hopefully they would send someone na reding-ready na lumaban kasi parang it’s gonna be like two or three months preparation na lang.”

Ug ganahan siya kang Miss Cebu Province Steffi Aberasturi kay, “Naggu-grow kasi siya sa akin. I love her karisma, she’s always smiling and you can feel the confidence.”

Alden ug Sylvia, mga Best!

Si Alden Richards ang gideklara nga Best Actor sa virtual award’s night sa Philippine Movie Press Club Star Awards for Movies adtong Domingo, samtang si Sylvia Sanchez ang napili nga Best Actress.

Ang mga pelikula nga nagtigi sa 36th Star Awards mao ang mga nagama niadto pang 2019, busa si Alden nidaog pinaagi sa Star Cinema movie nga Hello, Love, Goodbye nila ni Kathryn Bernardo. Siya ug si Kathryn sab ang gipili isip Movie Loveteam of the Year.

Samtang ang pelikula nga Jesusa ang naghatag kang Sylvia og best actress trophy.

Ang mga mananaog mao kini

MOVIE OF THE YEAR:

Hello, Love, Goodbye (Star Cinema)

MOVIE DIRECTOR OF THE YEAR:

Cathy Garcia-Molina (Hello, Love, Goodbye)

INDIE MOVIE OF THE YEAR:

Mindanao (Center Stage Productions)

INDIE MOVIE DIRECTOR OF THE YEAR:

Brillante Mendoza (Mindanao)

MOVIE ACTOR OF THE YEAR:

Alden Richards (Hello, Love, Goodbye)