Tungod sa batasan
CEBU, Philippines — Usa karon si Sanya Lopez sa mga Kapuso star nga gihulagway nga layo na gyud og naabtan ang career .
Mapasalamaton ang aktres sa mga tawo nga nihatag og dakong pagsalig kaniya.
Nasayran nga bisan kinsa nga iyang makatrabaho kay makadayeg gyud sa aktres.
Kahinumdoman nga pipila sa naakuyon sa iyang batasan mao ang nakapares niya kaniadto sa mga Kapuso show nga sama nila ni Gabby Concepcion sa "First Yaya," ug Senador Bong Revilla sa "Agimat ng Agila.
Joross ug Roxanne kusog gihapon
Tungod sa init nga paghangop sa publiko, nakabaton og season 2 ang iWantTFC original series nga “Hoy, Love You Two". Gibidahan kini nila ni Joross Gamboa ug Roxanne Guinoo-Yap. Ang ikaduhang hugna niini nisikad na niadtong September 11.
Nilugwa usab niini sila si Ritz Azul, Carmi Martin, Dominic Ochoa, Karina Bautista, Aljon Mendoza, Lou Veloso, Brenna Garcia, TJ Valderrama, Pepe Herrera, Yamyam Gucong, Hasna Cabral, ug Keanna Reeves. Si Theodore Boborol ang direktor sa “Hoy, Love You.
Angel nakadawat napud og pasidungog
Nakadawat og duha ka mga pasidungog si Angel Locsin sa bag-ohay lang nga National Customers’ Choice Annual Awards (NCCAA). Tungod sa kanunay nga pagtabang ni Angel sa iyang isigkatawo, siyay nakalangkat sa NCCAA Legacy Icon Award 2021 ug Outstanding Public Service Show Host.
Kahinumdoman nga makadaghan na nga higayon nga nakadawat og mga pasidungog si Angel tungod sa iyang pagka-matinabangon.
Bag-ong romantic comedy film sa Viva
Dugang proyekto sa Viva Films ang gipahuptan kang Direk Darryl Yap ug kini mao ang romantic comedy film nga "Ang Manananggal Na Nahahati Ang Puso".
Ang mga bida niini mao sila si Aubrey Caraan ug Marco Gallo. Nalakip pud sa maong proyekto mao ang komedyante ug viral YouTubers nga sila si Chad Kinis, Lassy Marquez ug MC Calaquian nga nailhan sa Beks Batallion isip sila si Gudong, Gingging ug Gimo. Duna pu'y partisipasyon niini ang mga banggiitang artista nga sila si Teresa Loyzaga, Gina Pareño ug Johnny Revilla.
Gi-shoot ang maong pelikula didto sa Siquijor. Makita na ang "Ang Manananggal Na Nahahati Ang Puso" karong October 1 sa Vivamax.
John, best actor sa Venice
Si John Arcilla maoy napili nga Volpi Cup Best Actor sa 78th Venice International Film Festival gumikan sa iyang hugyaw nga performance sa "On The Job: The Missing 8" nga ubos sa direksyon ni Erik Matti.
"If there is something I really regret tonight, it is I won't be able to kiss my own Volpi cup there in the middle of Venice and on that red carpet just like all other 77 actors who I admire who have kissed their own prestigious award one actor could ever have," suma pa sa aktor sa usa ka pre-recorded video. Si Direk Erik ang personal nga nidawat sa award.
Nirampa sa red carpet sa 78th Venice Film Festival sila si Dennis Trillo ug Totomai Martinez nga nahimo pud nga parte sa On The Job: The Missing 8 . Ang fashion designer nga si Francis Libiran maoy naghimo sa gisul-ob ni Dennis sa maong kalihokan.
"Marry Me,Marry You " karong gabii na!
Gugma ngadto sa pamilya ug mga higala maoy usa sa gihatagan og gibug-aton sa bag-ong Kapamilya series nga “Marry Me, Marry You".
Ang maong proyekto pagabidahan nila ni Paulo Avelino ug Janine Gutierrez .
Makita na kini sugod karong gabii sa Kapamilya Channel, Kapamilya Online Live, A2Z, ug TV5.
Nalakip sa maong serye si Sunshine Dizon ug mao kini ang unang Kapamilya project nila ni Janine.
Mohatod kini og maayong vibes ug pagpakilig ngadto sa viewers. Makauban usab nila dinhi sila si Cherry Pie Picache, Vina Morales, Edu Manzano, Jake Ejercito, Carmin Martin, Iana Bernardez ,Teresa Loyzaga, Lito Pimentel, Joko Diaz, Jett Pangan, EJ Jallorina, Luis Vera Perez, Fino Herrera, Meanne Espinosa, Mariella Laurel, Adrian Lindayag, Keann Johnson, Analain Salvador, ug Angelica Lao.
Sila si Dwein Ruedas-Baltazar ug Jojo Saguin ang mga direktor sa “Marry Me, Marry You".
- Latest