TVJ, magkakaroon ng ala-Eat Bulaga sa Net25?!
Lagi raw nakatutok sa taping ni former Sen. Tito Sotto si Mr. Tony Tuvierra ng Eat Bulaga.
Nag-pilot ang programang Reality Check ng dating senador last March 4 sa Net25.
Kaya’t kung sakaling magkaroon nga raw ng pagbabago sa Eat Bulaga, malaking-malaki ang chance na mapapanood ang ganung concept ng programa sa Net25 ayon sa narinig kong kuwento.
Totoo raw na baka hindi agad-agad mawala sina Tito, Vic (Sotto) and Joey (De Leon) sa longest noontime show pero eventually daw ay talagang magkakaroon ng reformat ang programa at may mga pangalan na nakahanda na iiwan sa programa kung sakali.
Sa kasalukuyan ay may kanya-kanya nang programa sina Tito, Vic and Joey sa Net25.
Nauna nang sinabi ni Net25 President Caesar Vallejos kamakailan na : “Ipinangako namin na for Tito, Vic and Joey, Net25 is their newest home. And we’re very happy that (the) three of them (will) have their specific programs on Net 25,” noong ‘di pa napapanood ang Reality Check.
Si Joey ay may programa ritong Oh No, It’s BO (Biro Lang) habang si Bossing Vic ay kasama si Pauleen at Tali sa Love, Bosleng and Tali.
Sa kasalukuyan daw ay tuloy ang pag-uusap ng kampo ni former Cong. Romeo Jalosjos, ng kanyang mga anak at kampo ni Mr. Tuviera.
- Latest
