Estorgio misidlak sa basketball court, ug sa billiards sab

CEBU, Philippines — Taliwala sa kahugot sa iyang iskedyul isip abogado ug customs broker, si Edwin Melencion Estorgio nakakita og panahon aron siya maka-relaks ug maka-ehesisyo pinaagi sa paugnat sa kusog.

Mapapha ang iyang stress sa higayon nga motikang na siya sa korte aron moduwa og basketbol.

Gani tulo ka mga liga ang iyang gisalmotan karon.

Gawas nga usa sa mga sinaligan sa Badboys sa Integrated Bar of the Philippines (IBP)-Cebu Basketball League, ang 36-anyos nga si Estorgio mipakita sab og aksiyon sa Aduana Cup ug torneyo sa Lycans.

"I turned to sports just to be relaxed after a day’s tiring work," matud pa ni Estorgio.

Tang-an sa basketball, si Estorgio dekalibre sab ang abilidad sud sa bilyaran.

Ning bag-ohay pa lamang, ang garbo sa Buenavista, Bohol milugwa nga kampiyon sa IBP-Cebu Billiards Open.

 "I prepared for it since 2020 because I did not win when I joined the tournament in 2019," paambit pa ni Estorgio. "So I vowed to myself to do better next time. Mao pagbalik sa face to face sa mga sports, wa ko nagduha-duha og apil."

Sama sa uban, si Estorgio nahilig sa sports tungod kay gawas nga mapasundayag ang ilang talento, nakakutlo sab siya og mga mahinungdanong pagtulon-an gikan niini nga magamit sa inadlaw nga gimbuhaton.

"In sports, you will learn about leadership, teamwork and hard work," dason pa ni Estorgio. "Kailangan naay mo-guide sa group ug dapat team player ka. Ug dili sad enough ang talent. You need to work hard to be a good player."

Balik lantaw sa iyang kaagi, si Estorgio hait sab nga estudyante. Giisip niya ang pag-top sa customs broker examinations kapin sa usa ka dekada na ang milabay isip usa sa labing mga mahinungdanon niyang nakab-ot.

 niya.

"When I topped the customs broker exams 2009, mao ni naghatag nako og opportunity to have a job and good clientele," kanayon pa Estorgio, nga parehong mitapos sa iyang Bachelor of Science in Customs Administration ug Bachelor of Laws gikan sa niversity of the Visayas. Nahimo siyang usa ka hingpit nga abogado human nakapasar sa 2018 Bar exams.

Sa kasamtangan, si Estorgio konektado uban sa Alin Customs Brokerage ug Alin Cargo Express. Nagpadagan sab siya og usa ka law firm kauban ang kapikas niyang si Darling Chyrmyth, ang Wagas and Estorgio Law Firm.

Isip usa ka sportsman, si Estorgio daghan na og dungog nga na-angkon. Gusto kini niyang himoong samin sa kinabuhi diin siya naglantaw sa unahan nga i-dribol ang iyang dalan ngadto sa kalamposan uban ang tumang kadasig ug positibong panglantaw.