CEPCA president Engr. Jerry Maratas nakampiyon sa golf
CEBU, Philippines — Nailhan siya sa kalibutan sa Cebu sports pinaagi sa duwang ahedres.
Gani naglingkod siya karon isip labing dugay nga presidente sa Cebu Executives and Professionals Chess Association (CEPCA).
Apan ning bag-ohay pa lamang, mihimo siya og kasikas sa laing matang sa paugnat sa kusog.
Kini human si Engr. Jerry Maratas milugwa nga usa sa mga kampiyon sa The View Invitational 2022 niadtong Dominggo.
Mao kadto ang labing unang golf tournament as Alta Vista Golf and Country Club sukad sa pag-ulbo sa kalibutanhong pandemiya kapin sa duha ka tuig na ang milabay.
Si Maratas uban ang guest partner niyang si Leslie Molina maoy milangkat sa overall net title bitbit ang tinigum nga 151 puntos human sa duha ka adlaw nga kompetisyon.
Sulagma kaayo nga nakab-ot ni Maratas ang maong dungog atol sa pagpahigayon sa iyang CEPCA Prexy Jerry Open Tournament didto sa Barracks Ches Club sa Robinsons Galleria diin si National Master Merben Roque ang nanghawod.
Si Maratas nagsaulog sa ika-43 nga sumad sa adlaw niya natawhan niatong Lunes, Mayo 23.
- Latest
