PSC chairman midayeg sa mga Pinoy'ng atleta
CEBU, Philippines — Ang Team Philippines napakyas pagkab-ot sa ilang misyon nga madepensaan ang ilang korona sa Southeast Asian (SEA) Games. Gani ang Pilipinas mipahiluna lamang sa ikaupat nga puwesto sa bag-ohay pang natapos nga 31st SEA Games didto sa Hanoi, Vietnam uban ang 52 ka gold, 70 ka silver ug 104 ka bronze medals.
Bisan pa pa niini, si Philippine Sports Commission (PSC) chairman William "Butch" Ramirez mapasigarbuhon gihapon sa performance sa mga Pinoy'ng atleta sa prestihiyosong torneyo nga mahitabo kausa lamang sud sa duha ka tuig.
“Our performance in bringing home 52 gold, 70 silver, and 104 bronze medals in placing fourth overall in the medal standings was a good finish despite the various challenges our national athletes had to face amid the COVID-19 pandemic before competing in Vietnam,” matud pa ni Ramirez.
“It would have been a very good finish had we converted 50 percent of our silvers (to gold) and bronzes (to silver),” dugang pa ni Ramirez.
Dungan niini, gipasalig ni Ramirez ang padayon nga suporta sa ahensiya ngadto sa mga nasudnong atleta ilabi na sa pagbubo kanila og pundo nga ilang makolekta gikan sa Philippine Amusement and Gaming Corp. (PAGCOR).
“You need money for coaches, both local and foreign, airfare, transportation and hotel for international exposure to season them, plus the logistical support like proper nutrition, sports psychology, and medicine for athletes discovered abroad or locally,” pasabot pa ni Ramirez.
- Latest
