Magsayo dili mokompiyansa ni Russell
CEBU, Philippines — Dili mokompiyansa bisan gamay ang way pildeng Pinoyng boksidor nga Mark Magsayo batok ni WBC featherweight champion Gary Russell Jr. sa giatngan nilang 12 ka hugna nga sangka karong Sabado (Dominggo, oras dinhi sa Pilipinas) didto sa Borgata Hotel Casino & Spa sa Atlantic City, New Jersey.
Bisan og si Russell wala na maka-away pa sukad niadtong Pebrero 2020, si Magsayo (23-0, 16KOs) nagpaabot nga usa ka kondisyon ug anaa sa ensaktong porma nga kampiyon ang makigharong kaniya ibabaw sa ring.
“Gary is a really good fighter. I’ve wanted to fight him for a long time. Now the opportunity is here and I can’t wait for the fight. I’m not expecting any ring rust from Gary Russell," matud pa ni Magsayo.
Ang garbo sa dakbayan sa Tagbilaran, Bohol naka-angkon og katungod nga mohagit ni Russell (31-1, 18KOs) human sa dalaygon niyang kadaogan pinaagi sa 10th round knockout batok sa Meksikanong si Julio Ceja sa miaging tuig.
Apan ang tahas nga palayason si Russell sa iyang trono dili sayon gumikan kay si Magsayo ikaunom na nga boksidor nga mosuway og ilog sa bakos nga nakahigot sa hawak ni Russell sukad pa niadtong 2015.
Masaligon hinoon kaayo si Magsayo sa iyang tsansa nga langkatan og korona si Russell.
“I think I’m the fighter who wants to beat him more than anyone else has. I’m here to give him his second loss on Saturday night," dason pa ni Magsayo.
- Latest
