'Hurricane' Bornea mokumbati na sa IBF eliminator

CEBU, Philippines — Ang way pildeng super flyweight cotender nga si Jade "Hurricane" Bornea (16-0, 10KOs) sa Sanman Gym mo-atubang na sa labing dako nga away sa iyang karera sa dihang iyang sangkaon si Moroccan-Italian Mohammed “Maraviglia” Obbadi (22-1,13KOs) sa 12 ka hugna nga IBF eliminator karong adlawa didto sa Monterrey, México.

Aprobado sa IBF, ang modaog sa sangka nilang Bornea ug Obbadi mamahimong mandatory challenger ni IBF 115-pound champion Jerwin "Pretty Boy" Ancajas nga kababayan ni Brnea.

“I have worked so hard in the gym since my amateur career. This is my chance of a lifetime. I can’t afford to let it slip away. I will represent my country in Mexico and will come home with the win," matud pa ni Bornea.

Ang 26-anyos nga si Bornea naka-angkon og dugang motibasyon nga mohimo og impresyon batok in Obbadi gumikan kay bag-ohay pa lamang siya mpirma og kontrata uban sa Probellum stable.

“I am thrilled to be signing with Probellum,” dason pa ni Bornea. “I now have the one-two punch I needed to succeed out of the ring."

“With Probellum and Sanman Boxing, I look forward to my upcoming IBF World Title Eliminator as just the start, with my ultimate goal to win the world title in 2022,” dugang pa sa garbo sa Arakan, North Cotabato.

Si Bornea kausa pa lamang maka-away gawas sa nasud  diin iyanjg gipilde si Ernesto Delgadillo sa Dallas, Texas pinaagi sa split decision aton sakmiton ang WBC-NABF belt niadtong Enero 30, 2020  didto sa Takama Legends Casino sa Toppenish, Washington.

Sa bugtong niyang away sukad sa pandemiya, ang IBF-rated No.7 nga si Bornea mipukan ni Roland Jay Biendima pinaagi sa unanimous decision niadtong Abril 30 sa miaging tuig didto sa Sanman Gym sa dakbayan sa General Santos. Kon molampus, si Bornea makapuwersa og laing all-Pinoy world championship match batok ni Ancajas, nga manalipod sa iyang trono sa IBF batok ni Argentine challenger Fernando Daniel Martínez sunod bulan didto sa Amerika.

Angayan hinoon nga magmatngon si Bornea batok ni Obbadi, nga miposte og siyam ka sagunson nga daog sukad nakatilaw sa una ug bugtong pa lamang nga pilde pinaagi sa 7th round knockout sa mga kamot ni Cristofer Rosales sa Nicaragua atol sa ilang WBC International flyweight title bout niadtong Oktubre 2017.