LeBron gisud sa COVID-19 protocols, wala kaduwa
CEBU, Philippines — Kalit nga gibunlot ug wala paduwaa si LeBron James sa ilang duwa batok sa Sacramento Kings sa NBA kagahapon. Kini tungod kay ang three-time NBA champion gipaubos sa Covid-19 health and safety protocols sa liga.
Wala pa hinooy klaro kon nagpositibo ba si James sa coronavirus o nakapaduol lamang kini sa usa ka tawo nga nataptan sa virus.
Ang Lakers superstar, nga hingpit nang nabakunahan, kinahanglan karon nga mag-negatibo sa test duha ka higayon aron siya tugotan nga makabalik sa korte.
Kon ugaling magpositibo, si James lagmit nga papahuwayon sud sa 10 ka adlaw.
Sa wala pa magsugod ang season, si James ug ang tibuok lineup sa Lakers nagpabakuna aron makatuman sila sa lokal nga mga restriksiyon sa Los Angeles.
Sa sayo pa, si James nagdumili pagluwat og pamahayag kon magpabakuna ba siya. Apan niadtong Septiyembre, nakahukom siya nga magpabakuna aron protektahan ang iyang kaugalingon ug ang iyang pamilya.
- Latest
