Nietes nagpasakop sa Probellum
CEBU, Philippines — Si four-division world champion Donnie “Ahas” Nietes (43-1-5, 23KOs) moabli og bag-ong panid sa iyang karera human mipirma og kasabotan uban sa Probellum, ang bag-ong gilusad nga promotional agency ubos sa pagpangu ni kanhi Golden Boy Promotions CEO Richard Schaefer.
"We're pleased to welcome such an illustrious boxer like Donnie Nietes to the team," matud pa ni Schaefer. “He has already won world titles in four divisions, making him a true legend of the sport, and we're proud to now be working together as we look to help him claim world honors again in the near future.”
Sa iyang pagdaog og upat ka world titles sa managlahing weight divisions, dili malimod nga ang garbo sa Murcia, Negros Occidental usa sa labing ngilngig ug bangiitan nga boksidor sa kasaysayan sa Pilipinas.
Siya maoy ikaduhang Pinoy nga nakig-alyansa sa Probellum sunod ni Nonito “The Filipino Flash” Donaire, Jr. nga usa sab ka four-division world champion. Sa iyang pagpasilong sa Probellum, si Nietes malaumon nga ma-world champion siya og usab ug padayon nga makahatag og garbo ug dungog sa nasud sa umaabot.
"It's such a great pleasure to get this promotional contract with Probellum," kanayon pa ni Nietes. "I am so proud to be part of it, and I am looking forward to fighting again soon so that I can continue to show my boxing abilities and technique."
- Latest
