Tropang Giga, Hotshots mag-abot sa PBA finals
CEBU, Philippines — Ang TNT Tropang Giga ug ang Magnolia Hotshots maoy magsangka alang sa kampiyonato sa 46th PBA Philippine Cup didto sa Don Honorio Ventura State University gym sa Bacolor, Pampanga.
Magsugod ang ilang best-of-seven finals series karong Miyerkules, Ocktubre 20.
Unang miangkon og luna sa finals ang Hotshots sa dihang gitagak niini ang Meralco Bolts ug misunod ang Tropang Giga human gipabakwit ang San Miguel Beermemn 97-79, sa tinagakay nilang Game 7 niadto lamang Domingo.
Si TNT coach Chot Reyes gibati og tumang kalipay nga nakabalik sila sa finals. Ang Tropang Giga gipukan sa Barangay Ginebra Kings sa miaging season apan dili pa si Reyes maoy ilang coach niadtong tungora.
“We’re fortunate to be back in the finals,” dason pa ni Reyes.
Naglantaw hinoon ang Sugbuanong guard sa TNT nga si RR Reyes ngadto sa usa ka malisud nga kumbati batok sa Hotshots.
“Seguro sa finals mas maharip pa kalabanin ang Magnolia. May dahilan na nasa finals sila. Mas mahirap sila kalabanin,” matud pa ni
Pogoy, nga maoy gibayaw nga Finals MVP human gipangulohan ang University of Cebu (UC) Baby Webmasters ngadto sa 2008 Cebu Schools Athletic Foundation, Inc. (CESAFI) title sa dihang nagtungha pa siya sa high school.
Sa iyang bahin, si Magnolia coach Chito Victolero mi-insister nga sila maoy dehado sa tapad batok sa Tropang Giga bisan tuod og kasarangan ug dili sab basta-basta ang iyang mga batos.
“We’re the underdog,” dason pa ni Victolero. “Kaya we need a good rest para makapag-prepare yung legs and minds namin.
- Latest
