Booker dili makasugod sa Suns training camp
CEBU, Philippines — Si All-Star guard Devin Booker dili maka-apil sa pagsugod sa Phoenix Suns training camp alang sa umaabot nga 2021-22 NBA season. Kini gumikan kay si Booker gibutang ubos sa health and safety protocols sa liga.
Ang Suns mosikad sa ilang preparasyon alang sa bag-ong NBA season pinaagi sa pagpahigayon og usa ka “media day’ karong adlawa. Wala pa sila masayud kon kanus-a makabalik sa ilang poder si Booker.
Gitabangan sa 24-anyos nga si Booker ang Suns nga makampiyon sa Western Conference sa miaging season apan gipukan sila sa Milwaukee Bucks sa best-of-seven NBA Finals, 4-2.
Human niini, si Booker mipakita’g aksiyon uban sa Team USA nga misakmit sa ikaupat nilang sagunson nga gold medal sa Olympics niadtong Agosto didto sa Tokyo, Japan.
- Latest
