Bag-ong atraksiyon sa San Remigio: Motorsports Park nahulma sa Calambua

CEBU, Philippines — Gitukod sa tinamod nga Sugbuanong sportsman nga si Lou Ornopia ang MS Motosuit Motorsports Park didto sa Calambua, San Remigio amihanang bahin sa Sugbu sa tinguha nga buhion og balik ang Cebu motorsports samtang magahatag og kapanginabuhian sa mga lumolupyo sa ilang dapit ning panahon sa pandemiya.

“Kining motorsports nagdagan na gyud ni sa akong dugo,” matud pa ni Ornopia, ang giyukboan nga amahan sa motocross dinhi sa Sugbu. “Human sa pipila ka tuig nga mipahuway ta ug dili na aktibo, dia na sab ta.”

“Ako ning gibuhat aron sab i-promote ang kanindot sa amolng lugar ug ingon mag paghatag og economic activity sa atong mga tawo pinaagi sa sports tourism ilabi na ning panahon sa kalisdanan,” dugang pa niya.

Midagan og 2.3 ka kilometros, ang motorsports park dunay usa ka espesyal nga gidesinyo nga racetrack, nga labing una dinhi sa Sugbu. Puyde kining maka-host og ally driving, motocross racing ug hasta gani mountain biking event. Ang mga sakop sa Cebu Rally Club nga gipangulohan sa presidente nilang si Lord Seno nahingangha ug midayeg og maayo sa kaanindot sa track sa dihang ila kining gibisita ning bag-ohay pa lamang.

“The addition of the Calambua, San Remigio track has a very exciting 2.3km layout. It poses unique challenges that the Cebu rallyists are foreign to. The change of elevation, the fast, low traction corners is an ideal setting for some hardcore action. The club is truly thankful for the Ornopia Family for this,” dason pa ni Seno. Mao sab ang sentimento sa notadong international rallyist nga si Jong King, nga katapusang mipakita’g aksiyon sa Otago Rally sa New Zealand niadtong 2018.

“It was nicely designed, very creative going through natural terrains.  Most of all, it is patterned after that of international standard. This will give rally drivers an opportunity to learn a whole set of driving skills,” matud pa ni King. “If you want to enhance your ability in rally driving, this is the perfect place.” Gidason kini sa mga batan-ong car racers nga sila si Nico Ornopia ug Ezra Decena ug ingon man sa beteranong si Jojo Lloren.

“It’s truly one of a kind. With all its technicalities, you will be given a chance to further test your limits. It will bring you to a whole new level of rally driving experience,” batbat pa nilang Ornopia ug Ezra Decena.

“I can’t say anything about the track, it’s very well done. It was designed meticulously. It will surely present a different and exciting challenge for both newbies and experienced racers,” dugang pa ni Lloren.

Sa pagka karon, si Ornopia nagkanayon nga abli na sa publiko ang iyang pasiliad apan alang lamang una sa praktis.

Si Ornopia, nga kanhi gibayaw nga “Sportsman of the Year”sa Sportswriters Association of Cebu (SAC), nagplano nga mopahigayon og duha ka rallycross events agig pagtambayayong sa CRC sa dili pa matapos ang tuig.

“Kinahanglan gyud ta nga dunay competition aron ma-apply sa mga racers ang ilang nakat-onan sa praktis ug masukod sab asa na kutob ang ilang abilidad,” pasabot pa ni Ornopia. “Of course, magsubay gyud ta sa tanang health and safety protocols. Mo-coordinate ko niana sa mga hintungdan nga ahensiya.”

Unya sa 2022, si Ornopia nagplano nga mopasiugda og tibuok tuig nga mga aktibidades alang sa rallycross, motocross ug mountain bike. “Akong tinguha nga buhion og balik ang Cebu motorsports samtang nakatabang ta sa komunindad pinaagi sa paghatag kanila og paagi nga maka-income sila. Gusto sab nako nga mailhan ang Calambua isip “motorsports capital of Cebu” sa umaabot. Mao na ang akoang ultimate goal,” panapos pa ni Ornopia.