Barro mituman sa iyang gisaad

Mihakot og mga titulo sa Manila

CEBU, Philippines — Ensaktong tulo ka bulan ang milabay karon, si Roygbiv “Roy” Barro mibiya sa Sugbu uban ang desisyon nga mopuyo sa kaulohan sa hataas nga panahon aron makapokus siya sa iyang karera isip practical shooter.

Og wala magdugay gituman sa tinamod nga Sugbuanong sharpshooter ang iyang mga saad.

Armado og disiplina ug determinasyon, si Barro mihakot og daghang mga titulo nga iyang gisukipan og pipila ka runner-up nga mga tropeyo sa 10 ka mga torneyo nga iyang gislamotan sukad niadtong Hulyo. 

“Ako lamang gi-honor ang gisaad nako sa akong kaugalingon nga mo-stay sa Manila sa dugay-dugay nga panahon,” dason pa ni Barro nga sakop sa Laguna-Practical Shooters Group (LAG-PSG) ubos sa pagpangu ni Grandmaster Alfredo “Jun” Catalan. “Ako sab ni pamaagi pag-accept sa challenge nga akong atubangon ang tanang mga pagsulay kay nasayud ko nga dili sayon ang dalan nga akong agian.” “Gusto nako nga inig balik nako sa Cebu, fulfilled kaayo ko nga duna koy nakitang imrovement gikan sa tanan nakong efforts ug sakripisyo,” dugang pa ni Barro.

Si Barro, nga gipasidunggan sa Sportswriters Association of Cebu (SAC) Annual Awards sa miaging tuig, misikad sa sagunson niyang kalamposan niadtong Hulyo 18 sa dihang mitapos siya sa Top 3 overall sa Tri-President Cup nga gidominar ni Bro Tecson, ang giyukboan nga standard division king sa Southeast Asia.

Unom ka adlaw ang milabay, ang 21-anyos nga si Barro milugwa nga kampiyon didto sa Bacolor, Pampanga. Iyang gikolekta ang uban niyang mga korona didto sa Plaridel, Bulacan niadtong Agosto 15 ug sa Meycauayan City also in Bulacan last August 28. Usa ka semana pa lamang ang milabay, si Barro misulbong sab nga overall champion sa usa ka event didto sa Dasmariñas, Cavite niadtong Septiembre 11.  

Nahimo sab siyang first-runner sa Lingayen, Pangasinan (Agosto 1), sa Malvar, Batangas (Agosto 21), sa Batangas City (Agosto 22), ug sa Dasmariñas (August 29) ug na-3rd sa Batangas (Agosto 8).

“Motivated kaayo ko every competition knowing that I trained hard for it,” dason pa ni Barro. “Ako gyud ihatag ako best effort, time ug focus sa tanan nako gibuhat. Dunay mga higayon nga bation ko og kakapoy apan i-push gyud nako ako self to the limit to fulfill my promise to God and my family ug makahatag og maayong resulta sa mga Cebuanos.”

Nagkanayon si Barro nga ang labing uwahi niyang kalamposan nakapadasig lamang kaniya og samot nga doblehon pa ang iyang paningkamot aron makab-ot ang tanan niyang mga damgo sa kinabuhi.

“I want to be part of the Philippine Team someday and compete against the top shooters in the whole world with the best of best shooters in the Philippines side by side in my division. That’s my ultimate goal,” paambit pa ni Barro.   

“Honestly at this point, I still have a lot to learn and work on. It’s going to be daunting task  but I must bear and endure every circumstance to attain success I’ve been dreaming of," panapos pa niya.