Tinagsip sa NBA

Gordon pabilin sa Nuggets

CEBU, Philippines — Si Aaron Gordon miuyon nga lugwayan ang iyang kontrata uban sa Denver Nuggets ngadto sa upat ka tuig sa kantidad nga $96 million.

Ang 26-anyos nga si Gordon mi-average og 12.4 puntos, 5.7 rebounds, ug 3.2 assists sud sa 25 ka duwa sa Nuggets sa miaging season.

Mao kini ang ikawalong tuig ni Gordon sa liga sukad siya gikuha nga No.4 overall pick sa Orlando Magic niadtong 2014 Draft

Wall i-trade sa Rockets

Ang Houston Rockets ug si John Wall nagkauyon nga mangita og laing team diin puyde nga i-trade ang beretanong All-Star guard.

Si Wall naabot sa poder sa Rockets pinaagi sa usa ka trade nga naghatud ni Russell Westbrook ngadto sa Washington Wizards.

Ang 31-anyos nga si Wall mipatak og 20.6 puntos ug 6.9 assists sud sa 40 ka duwa uban sa Rockets sa miaging season. Gihamok hinoon siya og nagkadaiyang mga injury sa miaging upat ka tuig.