Bolick sa Northport gibayaw nga PBA Player of the Week
CEBU, Philippines — Gipangulohan ni Robert Bolick ang NorthPort Batang Pier ngadto sa tulo ka sagunson nga daog sa PBA Philippine Cup.
Ang mangtas nga guard gikan sa Ormoc mi-average og 19.3 puntos, 6.3 rebounds, ug 6.7 assists matag duwa sa dihang gipahagba sa Batang Pier ang Blackwater, Terrafirma, ug NLEX didto sa Don Honorio Ventura State University gym sa Bacolor, Pampanga.
Gitak-op ni Bolick ang dalaygon niyang salida pinaagi sa pagkadlit og career-high 26 puntos sa 96-94 nilang kadaogan batok sa Road Warriors.
Gumikan sa impresibo niyang performance nga nakapalayat sa NorthPort ngadto sa ikaunom nga dapit sa standings bitbit ang 4-3 win-loss record, si Block gibayaw nga PBA Player of the Week.
Iyang nakab-ot ang maong dungog usa ka adlaw human siya nagselebrar sa ika-26 nga sumad sa adlaw niyang natawhan niadtong Septiembre 13.
“Inspired lang kami talaga maglaro. Gusto naming umangat ngayon. Maraming magandang pieces ngayon. Solid yung performance namin hindi lang sa akin,” matud pa ni Bolick.
Gipangpilde ni Bolick alang sa senemanang pasidungog ang iyang teammate nga si jamie Malonzo, Mikey Wiliams sa TNT, Jason Perkins ug Matthew Wright sa Phoenix, Terrence Romeo ug Marcio Lassiter sa San Miguel Beer, ug ang Sugbuanong rookie nga si Leonard Santillan ug Javee Mocon sa Rain or Shine.
- Latest
