Bigamous marriage
Dear Atty. Divine,
Ang bana sa akong amiga iyang nahibaw-an nga minyo diay kaniadto. Busa nahulog nga ikaduha siyang asawa. Wa mosulti niini ang iyang bana og nahibaw-an lang kini niya sa dihang nagkuha ang akong amiga og Cenomar.
Matud sa iyang bana nga dugay na siyang nagbuwag sa iyang asawa og wa silay anak. Nahadlok ang akong amiga kon mogukod ang original nga asawa kanila. Ang akong pangutana kon makiha ba ang akong amiga og unsa nga kaso ang pwede niyang atubangon? Daghang Salamat.
Gema
* * *
Dear Gema,
Mamahimong mapasakaan og kasong Bigamy ang bana sa imong amiga basi sa Article 349 sa Revised Penal Code tungod sa iyang gihimo nga makaduha nagpakasal. Ang imong amiga mamahimong maapil sa pagpasaka og kaso kun nasayud siyang daan nga minyo diay ang iyang gipakaslan. Apan sa kaso sa imong amiga, wa siya masayud nga minyo ang iyang gipakaslan. Basi sa mga nahaunang desisyon sa Korte Suprema kini nagkanayon nga kon ang ikaduhang asawa way kasayuran labot sa first marriage sa dihang siya nagpakasal niini then wa siyay tulubagon ug di siya maapil sa kasong Bigamy.
Sa ato pa, mamahimong depensa sa imong amiga nga wa siya masayud sa first marriage aron siya makalingkawas sa maong tulubagon kon sila ikiha sa unang asawa. Thank you and God Bless.
Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
