Midyear na ta

Maora'g nikusog pag-ayo ang lanat sa panahon. Nikalit lang og ka wala ang June, ug karon, July na ta. Tunga na ta sa tuig. Ug di lang hibaw-an, magsaulog na usab kita sa Pasko ug Bag-ong Tuig, unya, Sinulog.

Ngano man ni? Unsa man, nikusog ang andar ug dagan sa relo? Mao man gihapon, di ba? 24 hours man gihapon ang usa ka adlaw. Ug ang working hours, 8 hours man gihapon. Naghulagway lamang kini nga busy na gyud kaayo ang kalibutan nga dili na lang kita makamatikod sa oras.

Inigmata nato sa buntag, mokalit lang pagka-alas 12 sa udto, ug ang kagabhion mokalit lang og pakli sa kahapunon.

Kini tungod kay ang mga problema (personal or otherwise) mao kanunay ang nag-occupy sa atong hunahuna. Ilabina karon niining panahon sa pandemic (hinaut magpadayon ang pagkalma niini), nga as a consequence, nagpatong-patong ang mga problema nga gidala niini. Dugangan pa gayud sa gubat sa Russia ug Ukraine, nisamot ang kagrabe ug kadaghan sa mga problema.

These are all beyond our control. Wa na tay mahimo niini. Ang atong mahimo mao nan lang gayud ang pag-ampo ug pag-cooperate sa atong gobiyerno, ilabina niining bag-ong administrasyon, nga walay pagduha-duha, maningkamot nga mahaw-as kita gikan sa mga katalagman nga atong gisagubang karon.

Adunay panuiltihon nga ‘hope springs eternal.’ Despite sa ato karong kahimtang ug pagkabutang, dili kita magpakawala sa paglaum.

Alang kanatong mga senior citizens, daghan nang mga katalagman (man-made or otherwise), ang atong nasugamakan, although grabe kining atong nahiguman karon. Apan, nakita ug nitumaw ang atong pagka-resilient, nga dili kita daling mahugno sa higayon nga hagwaon kita sa mga suliran sa kinabuhi. Dali kitang maka-adapt sa mga bag-ong sitwayon nga mohapak kanato.

Duna koy nabasahan nga nagkanayon: “Do not put the responsibility on other people. Ask yourself, what can I do to improve the situation?”

By the way, aniay alang kanatong mga senior citizens, ilabina kadtong naglisud pa pagbiya sa pagpanigarilyo. Diay karaan nakong clipping, ambut unsa ning tuiga giulohan og ‘Cigarette buts account for 766 million of trash.’ Nga kon maghisgot kita’g garbage, basura sa tibuok kalibutan, 766 milyon niini, mga upos sa sigarilyo, kini sumala sa United Nations Environment Program.

Ania: “Globally, more than six trillion cigarettes are produced annually, each containing filters or butts that are mainly composed of microplastics known as cellulose acetate fibers. “

Giingon nga hazardous ang mga chemicals nga anaa sa microplastics, nga kon dili ma-properly disposed, kon pasagdan lang, bisa’g asa lang ilabay, makadaot sa ecosystems o sa environment, ug kon injested, makadaut usab sa marine life.

Dugang pa, “These microplastics also enter the food chain and are associated with serious human health impacts, which can include changes to genetics, brain development, respiratory rates and more.”

Mga upos lang sa sigarilyo ang gihsigutan dinhi ug ang mga kadaut nga mahimo niini, unsa na kaha ang sigarilyo mismo?

Moingon ang uban nga lisud gyud kono kaayo biyaan ang sigarilyo. Mass sayon pang biyaan ang asawa. Mao ba? Di sad tingali ni tinuod uy!  Sagrado baya ang kaminyuon. Si Kristo baya gayud mismo ang nagtukod niini.