Ibaligya ang sinunod nga property

Dear Atty. Divine,

Nakadesisyon mi sa akong mga igsuon nga ibaligya nalang ang house and lot nga among na-inherit gikan sa among ginikanan. Anaa na mi buyer ug iya na ming gipangayoan og proof nga nabayran na namo ang Estate Tax. Wa pa mi makabayad sa Estate tax ug karon amo nang gisugdan sa pag-asikaso ang mga dokumento nga gikinahanglan. Ang akong pangutana, kun unsay proseso ani attorney, kinahanglan ba namo nga i-transfer daan ang title sa property sa name namong mga heirs una namo ibaligya ang maong house and lot? Daghang salamat.

Rannie

* * *

Dear Rannie,

Mamahimo ra ang simultaneous nga pag-transfer sa maong property pinaagi sa pagbayad sa Estate tax ug sa Capital Gains Tax og Documentary Stamp tax sa property nga inyong ibaligya aron direkta na nga ibalhin ang new title sa pangan sa buyer. Ang inyong buhaton mao ang pag-execute og Extrajudicial Partition with Sale og mao kini ang inyong i-submit sa BIR aron ipa compute ang Estate tax, Capital Gains tax og Documentary stamp tax. Mas paspas kini nga paagi apan kinahanglan nga inyong i-comply ang tanang requirements sa BIR alang sa pagbayad sa Estate tax. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.