Salamat, Davao Light

After a month nga nag-antos kami sa kangitngit, finally, nasug-an na kami. Duha ka adlaw (January 17 ug 18) ang bugno sa taga-Davao Light sa nabali na posti, pagpuli niining bag-ong posti ug mga bag-ong transformer niining duha ka adlaw, nagabhian sila.

Of course, magpasalamat gayud kami sa Visayan Electric nga nalakip kami sa schedule sa pagtrabaho. Nibalik sila pagkasunod adlaw (Jan. 19) kay ilang gitiwas ang trabaho sa bukid o bungtod na nga dapit kay mao may ilang giuna ang patag. Natural ug suma sa akong gikahinabi nga lineman, grabe kuno ang kadaut didto sa bungtod.

Ang nahibiling problema mao lang ang internet, wifi, ug ang signal. Sige na’g yawyaw ang akong mga apo dili gihapon mi makatan-aw sa Netflix.

Niining mga panahona, importante kaayo ang communication. Ambot ngano nga wa pa man makabangon ang mga communication companies?

Alang niadtong wala pay elektrisidad, huwat lang gyud. In fairness sa Visayan Electric ug sa ubang mga kompaniya sa elektrisidad, naningkamot baya kini sila nga ma-energized na ang tibuok siyudad dili baya pud lalim ang ilang trabaho.

By the way, gumikan ni Odette nakaamgo kita nga kun ang kinaiya na gani ang molihok ug manimalos, wa gyud kita’y dag-anan. Pagkahuyang ra gyud diay sa tawo ug pagkadali rang maguba sa mga gibuhat niini.

Matud ni Rene Alquizola, kanhi manager sa DyMR, walay dato ug walay pobre niadtong pagkuso-kuso kanato ni Odette, patas kitang tanan. Although medyo nakabintaha silang mga adunahan tungod kay dali silang nakabangon. Gani ang uban mi-check in sila sa mga hotel ug pension houses. Ang uban mipuyo sa ilang mga condo. Ang uban usab nipalit gyud ug generator mao ni ang giingon sa lain nakong amigo nga: bintaha gyud ning kwartahan, kay dili kaayo masakitan kon dasmagan na sa kalamidad, sama sa bagyo.

Ug nakadugang sa kadaut nga gibilin ni Odette, mao nga gumikan sa atong pagtamas-tamas sa kinaiyahan, wala na kini makapanalipod kanato batok sa bagyo. Hence, atong ampingan kanunay ang kinaiyahan.

By the way, level three pa man tingali kita karon. Ambot unsay latest apan matud pa daghan na kuno ang gipanghilantan, giubo ug gisip-on. Kun unsa kini nga tilimad-on, gikinahanglan ang dugang pag-amping aron dili kita magrabehan.

Dili maayong ikompiyansa atong ipadayon ang pagtuman sa mga health protocols, ilabi na kining mahitungod sa paglikay sa pagtapoktapok ug pag-observe sa physical distancing. Giawhag kita nga kon wala kitay importante kaayong tuyo sa gawas, puyo, stay home lang gyud ta.

Ang gikinahanglan dinhi ang cooperation lang gyud. Di man tingali kini lisod buhaton, kay after all kaayohan man kini natong tanan.

Imagine nga kon dunay usa nga matakdan, mokanit-kanit man dayon kini daghan ang maangin. In some cases, ang tibuok pamilya gayud ang mag-antos.

Busa, akong usbon, dili man tingali lisud kaayo ang pagsul-ob kanunay og facemask, in some cases, face shield lisud ba gud ni?

Unya atong paningkamotan nga husto ang atong paggamit sa facemask, dili kay ang suwang maoy tabunan usahay ang agtang, kon mag-face shield, pagkabadlungon baya gud nato uy!