Kisdom ang panahon
(Awit pamalandong sa Bagyong Odette)
Nisantop sa akong hunahuna ang kaikag nga itagik na lang ang usa ka awit agig pagpabuhagay sa pagbati human sa Bagyo.
I. Masilakon ang langit ug panganod
Masaligon sa Diosnong puangod
Damgong tiunay gigambalay
Inubanan sa tim-os nga kalipay
Koro
Apan sa kalit nibanos ang kangitngit
Sa kasubo nibakho ang langit
Kapintas mo Odette
Kaming tanan imong gisakit!
II. Hinagoan sa ginikanan imong gidangan
Gibanlod ang kabilin sa katigulangan
Kalisang maoy naghari
Galamhan namo nitibi (Koro)
III. Amahang Langitnon asa ka man?
Singgit ning samarang galamhan!
Kisdom ang panahon!
Ayaw pasagdi ang imong panon! (Koro)
IV. Apan bisan pa niini kami mapasalamaton
Pagsulay kini nga among gakson!
Apan bug-at ra kaayo dili na madala
(Ikaw Odette nagdala og masla! (Koro)
V. Panahon mabiay biayon
Apan sa gihapon kita mapasalamaton
Ihungit ang kalan-ong bulawanon
Lit-ag kini sa mapahimuslanon (Kor)
Finale:
Kinaiyahan kanato nako
Ug sa kapintas niya lisud ang pagtago
Hilom man ang Dios diha sa atong pag-ampo
Apan uban kanako Siya nagbakho!
- Latest