Kawat ug peke

Gitawag sa Aksyon Demokratiko nga kawatan og ideya ang kanhi Senador nga si Ferdinand Marcos Jr. Basihanan mao ang gipahayag  sa kanhi senador sa social media diin iyang giawhag ang Kongreso sa pagpaubos sa excise tax og 50 porsiyento.

Ang Aksiyon Demokratiko miingon nga ang gipadayag ni kanhi Senador Bongbong Marcos Jr. sa social media iyang gipagawas pila ka oras human miluwat og pamahayag si Manila Mayor Isko Moreno atubangan sa gatos ka mga mag uuma sa Tarlac City diin iyang giingon nga kun ugaling mapili siya nga presidente iyang paus-usan ang excise tax og 50 porsiyento.

Matud ni Moreno direkta kini nga makapabenepisyo sa dili lamang sa mga kabus kun dili apil na ang mga nahimutang sa tunga-tunga nga sektor sa katilingban nga kanunay nga nagsawo sa epekto sa sinimanang pag umento sa mga produktong petrolyo.

Mao na ni ron. Kun nangawat og ideya unsa pa kaha sa kuwarta.

* * *

Ang Oxford Philippines Society mipaabot sa ilang kahingawa kalabot sa nagpadayong  pagkatap sa dili tinuod nga kalamposan nga nakab-ot ni kanhi Senador Bongbong Marcos sa University of Oxford. Ilang giingon nga dili tinuod nga migradwar sa University of Oxford si Bongbong Marcos. Apan giinsister sa kampo ni Marcos nga tinuod nga nakadawat og diploma sa prestihiyosong universidad ang kanhi Senador. Usa ka special diploma ang nadawat ni Ferdinand Marcos Jr.

Apan ang Oxford Philippine Society miingon nga ang special diploma dili diploma sa paggradwar sa universidad.

Kun ang Aksyon Demokratiko namasangil ni Bongbong Marcos nga kawatan og ideya ug ang Oxford Philippines Society namasangil kaniya nga mi-peke sa iyang educational achievement. Unsa kahay mapaabot sa atong nasud gikan kaniya kun mapili siya?

* * *

Kagahapon sa buntag laing binuhat ang buot maghunos sa iyang kinabuhi pinaagi sa paglayat sa taytayan sa Mactan. Maayo gani kay naanghilan pa sa usa ka motorist nga nakapugong kaniya. Apan niadtong imaging semana patay gayod ang buntis nga milayat sa taytayan sa Mactan ug mitugpa sa barko nga timing nga miagi.

Ang taytayan sa Mactan gihimo na gyod nga dangpanan sa mga magul-anon