Mas labaw pa kamo sa mga langgam

Dili ikalimod nga daghan kaayo kita og gihambin nga kabalaka. Kabalaka labina kun maghisgot sa atong tagsatagsa ka survival. Mao nga malisod alang kanato ang pagka manggihatagon sanglit ang kalisang nga mabiyaan sa ekonomikanhong seguridad. Ang kasagaran natong rason mao man nga kinahanglang mangandam kita panahon sa dakong kalisdanan. Kita pud mismo dunay gihambing mga suliran ug ang suliran sa uban dili nato suliran. Ug uban pang mga rason.

Busa angayan natong buhaton kining mosunod:

PAGTUO nga bisan sa kalisdanan sa kinabuhi ning mga panahona karon, ang Dios dili baya gyud magpasagad. Giatiman man gani Niya ang mga kalanggaman ingon man ang mga bailli sa kaumahan nabuhi bisan pa man nga kun Malaya ug sunogon lamang. Kita pa kaha nga hinimo lamang segun sa dagway ug kasamahan sa Dios? Mas labaw pa kita sa mga langgam. Mas labaw pa kita sa mga bailli.

PAGLAUM nga bisan pa man sa kalisod nato karon dunay gianmdan nga nindot ang Dios alang kanato. Nga bisan pa man sa mga pagsulay anaa gihapon ang bidlisiw sa paglaum padayong mogitib ang kadasig nga manlimbasog. Panlimbasog dili lang alang sa kaugalingon. Hinunoa, panlimbasog alang usab sa uban. kuyog niini ang pagsakripisyo. Ang sakripisyo mao kadtong pagpaambit bisan kun kita mismo utro pud nga nanginahanglan.

PAGHIGUGMA bisan pa man kun ang uban dili maantigong mopakita niini kanato. Apan padayon gihapon kita sa paghigugma bisan pa man kun ang dili mohimo sa ingon. Ngano man? Tungod kay ang paghigugma mao man ang naghatag og kahulogan sa atong pagpakabuhi. Ang pagpakabuhi nga halayo kun hawa sa paghigugma dako man kaayo og kalainan. Makahuloganon ang matag gutlo kun anaa ang paghigugma. Malipayon ang kinabuhi kun anaa kini kanato.

Kun mahal sa Dios ang mga butang o hayop nga ubos sa atong pagmando, mas mahal ug bililhon kita nga gihimo sibo sa iyang dagway ug kasamahan busa matarong lamang nga puy-an nato ang pagtuo, paglaum ug paghigugma sa atong kinabuhi.