I deserved it because I am a sinner

Kini ang giluwatang pamahayag ni Papa Francisco sa dihang iyang gitubag ang usa ka peryodista nga nangutana kalabot sa mga tawo nga bisan gani sa Simbahan mismo ang wala makauyon sa iyang pamaagi sa pagdumala.

Kay progresibo ang atong Santo Papa ug daghan ang wala gyud makauyon tingali niini labina kanila nga nangangkon nga sila mga tradisyonalista. Mapaubsanong nidawat si Francisco nga siya makasasala. Apan wala lang siya mohunong diha kondili nipadayon siya sa pag-ingon: “Apan dili ang simbahan kay kun ingon ana gihapon ang ilang panlantaw sa Simbahan sa kasamtangan kana, lihok na sa yawa!”

Matag usa nato mahimong sawayon. Matag usa kanato dunay pag-ambit usab sa kinabuhing salawayon, nagkadaiya lang hinuon ang level apan sa kaulahian si kinsa ba kita nga mohukom sa uban? Apan wa kini magpasabot nga nahimong subjective ang tanan nga sa ato pa:

1. Atong imantala ang kamatuoran segun sa atong panginahanglan ug dili sa iyang kaugalingong bili ingon nga kamatuoran.

2. Kun unsay atong gibati maoy gihimong sukaranan sa paghubad sa kamatuoran.

3. Dili tanang kabag-ohan pagaisipon nga makaayo ug makatabang. Dunay mga kabag-ohan nga nagdala og kamatayon.

4.Dili tanang kalooy ipaagi og kalumo dunay gugma nga maisip natong Carino Brutal kun Tough Love aron magmatngon ang hingtungdan.

5. Dili tanan aron makakab-ot og approval rating I modify aron mamahimong mo fit sa panginahanglan sa pipila, dunay mga kamatuoran nga absolute ug dili mahimong I compromise.

Kun buot hunahunaon, makapaluya ang mga hitabo karon. Kay mahimong tuison ug himoong pakagamyon lamang ang tinuod samtang ang bakak mahimong himoong tinuod. Labaw nga sakit palandungon mao man ang kultura sa pagpanggukod karon. Tinuod gyud diay ang paghimo og kasikas makaganoy og atensiyon. Ang Simbahan sa tinud-anay lang nagkinahanglan og makanunayong reporma apan dili ang gugma sa Dios.