ABC sa atong kinabuhi

Kini nagpasabot og AVAILABILITY, BENEVOLENCE, CLARITY

Nga sa ato pa:

AVAILABILITY. Labina gyud sa panginahanglan sa atong kaugalingon ug sa uban. Unsay buot ipasabot ining availability? Anaa ka sa mga higayon nga adunay panginahanglan lang ba? O sa mga higayon nga bisan walay maisip nga mahinungdanong panginahanglan. Nahinumdom nuon ko sa giingon ni San Josemaria Escriva nga ang pari walay prebelihiyo kondili kaakohan lamang.

Usahay tungod kay ang tawo anaa na sa posisyon dili naman buot magpa disturbo. Sa ngalan sa privacy dunay mga higayon nga kinahanglang motago kita gikan sa kadaghanan. Apan wala kini magpasabot nga dili na lang pud ta mogawas aron manginlabot sa panginahanglan sa mga kaigsuonan. Lisud man pud nga di magpa dsturbo kay lagi nagsugal o dili ba kaha nagtagay?

BENEVOLENCE. Dunay mga higayon nga estrikto kita sa mga mata sa ubang mga tawo. Kini tungod kay dunay mga butang nga ma-compromised apan dunay mga butang usab nga maisip natong absolute. Ang tinud-anay nga tawo maantigo gyud untang maluoy. Apan usahay makaingon ta nga mas maayo pa ang mga hayop maantigo pang maluoy kaysa ubang mga tawo nga mas mangtas pa kaysa mga hayop.

CLARITY. Kun ang pagkahimong tataw diha sa mga panlantaw, sa misyon kun tumong sa kinabuhi. Ingon ini kamahinungdanon ang instruction bisan diin. Mao kini ang kuwang. Daghan ang dili buot mosubay sa tataw nga dalan kay lagi buot molakw sa mangitngit nga kalibog gumikan sa pagkomplikar sa bisan unsang simple.

Daghan ang nahimong malipoton ug limbongan bisan gani sa mga ginagmay nga mga butang. Pinakabati pa gyud niini daghan ang nahimong mopatay sa imong karakter aron mamahimo silang humot sa ubang mga tawo. Malisud tugkaron ang kamatuoran apan maayo ra ka kun mapahimuslan ug magamit ka pa sa uban. apan kun wala nag ani kay gamit, nan, mas baho ka pa sa basura.