Sweetheart

Una sa tanan, kini unang sugilanon ni Fr. Jerry  Orbos, SVD, atong nakutlo gikan sa iyang pocketbook. Ania: Si Adan, kapin na sa 80 ang edad, giduol sa iyang apo, ug: “Lolo, believe kaayo ko nimo da, hangtud karon, ‘sweetheart’ lang gihapon ang imong itawag sa akong Lola.”

Tubag ni Lolo: “Unsa man diay, love is forever, regardless sa edad. Apan, ayaw’g saba sa imong Lola, ha, nakalimot naman gud ko sa iyang nga’an.”

Ug nia pa: Adunay buotan ug mapinanggaon kaayo nga bana, mi-volunteer nga siya ang mo-drive sa iyang asawa sa pagpang-grocery kay day-off kadto sa ilang driver. Tuod man, despite sa iyang edad, good driver gihapon siya. Iya pang gitabangan ang iyang asawa pagpamili sa buot nilang paliton. Siya pa ang naghandos sa cart.

Tapus sa pagpangompra, gibilin nila ang ilang mga kinompra sa sa gate sa mall, samtang ang buotan nga bana, mikuha sa ilang kotse gikan sa parkingan nga medyo layo og gamay gikan sa gate.

Relax kaayo ang bana nga nag-drive pauli sa ilang balay. Pag-abot niya sa pultahan sa ilang garahe, nahinumdom siya sa iyang asawa nga naghuwat didto sa gate sa mall. Kamo na lay tiwas sa sugilanon.

Ug gikan gihapon sa libro ni Orbos, ania kining tipik sa usa ka pag-ampo alang kanatong mga senior citizens, ug niadtong nagpadulong na sa pagka-senior citizen: “Dear Lored, I may be growing older (old na gyud), but I’ll never outgrow my need to talk with you. I’ve come a long way in my life. Ang I thank you for helping me to get this far.”

Ikaw, nagpasalamat ka ba nga sa bisan unsa nga mga suliran ug katalagman nga midasmag kanimo, at least, nakaabot ka pa niining mga tuiga? Ang uban man gud nato, ang mga problema ra ang kanunay natong gikwenta, inay nga maoy atong iphon ang mga gasa ug grasya nga atong nadawat. Count your blessings, matud pa.

Padayon: “Now that I’m in my later years, please give me the strength and energy to carry on the best ways I can.  I’m so glad to be alive. Lord. Keep me safe from harm. Let me be as free as possible from any health problems and financial worries. I hope to take things a little easier at this time in my life.”

Nindot. Niining atong panahon ug kahimtang karon, maayo tingali nga magpaduol kita pagbalik ngato sa atong Magbubohat. Dala ang pagpasalamat ug pangaliya nga Iya kitang ubanan kanunay niining atong pakigbisog batok sa bisan unsa nga gumonhap nga mohasmag kanato.

* * *

Senior Citizens Center. Sa pagkakaron, wala kitay hingpit nga kasayoran kon aduna bay mga senior citizens center ang tanang dakbayan ug kalungsoran sa atong lalawigan, sumala sa gi-provide sa Balaud.

Atong kutloon ang Sec 4 sa RA 7876 (na-rescinded na pa ni?): Establishment of Centers. “There is hereby establish a senior citizens center, herein referred to as the Center in every city and municipality of the Philippines, under the direct supervision of the Department of Social Welfare and  Development , hereafter referred to as the Department, in collaboration with the local government units concerned.”        

Duna ba kitay senior citizens center sa Cebu City? Ang Sec. 5 nagkanayon: “The centers are extensions of the fourteen (14) regional offices of the Department.” So, kining maong mga senior citizens center, isip kini nga mga extension sa 14 ka mga mga buhatang rehiyonal sa DSWD sa tibuok nasud.