P6.8 milyones kantidad sa shabu nga naskamit
CEBU, Philippines — Niabot ngadto sa P6.8 milyones nga balor sa ginadiling drugas ang nasakmit gikan sa 45-anyos nga lalaki kagahapon sa buntag diha sa Barangay Babag, Dakbayan sa Lapu-Lapu alas.
Ang suspetsado mao si Leonard Mansueto, alyas “Onat”, residente sa Sitio Ermita Proper, Barangay Ermita, Dakbayan sa Dakbayan sa Sugbo.
Ang mga sakop sa Lapu-Lapu City Police Office City Drug Enforcement Unit ang nangulo sa maong operasyon.
Nasakmit gikan sa suspetsado ang usa ka kilong shabu nga nibalor ngadto sa P6.8milyones, buy bust money ug sudlanan.
Ang kapolisan padayon karon sa pagpahigayon og imbestigasyon aron usab sa pag-ila sa tinubdan sa ginadiling drugas sa suspetsado.
Sa laing bahin, usa ka suspetsadong pusher nga giilang regional high value target ang nasikop sa kapolisan diha sa Barangay Umapad, Dakbayan sa Mandaue sa niaging gabii.
Si Police Major Philip John Libres, hepe sa Presinto 5 sa Mandaue City Police Office niila sa suspetsdo nga mao si Reynante Bate, 42-anyos, residente sa nahisgutang barangay.
Si Bate nasakmitan kini sa mga polis ug mga pakete sa shabu nga nikantidad tanan ngadto sa P70 mil. —Romeo T. Limpangog/BDB (BANATNEWS)
- Latest
