Chan pabor nga iuswag ang barangay ug SK elections

CEBU, Philippines — Pabor si Lapu-Lapu City Mayor Junard Ahong Chan nga ma-oktaba ang barangay ug Sangguniang Kabataan elections gikan sa Disyembre 5, 2022 ngadto na sa sunod tuig 2023.

Kini aron mahatagan og igong panahon ang nasudnong kagamhanan sa pagpangandam sa maong piniliay ilabi na kay hinay hinay pa nga nibangon ang nasud gikan sa nasinate nga pandemya.

Sa nasayran giduso sa kongreso ang pag-oktaba niini pinaagi sa Republic Act 11462 nga giapbrobahan usab ni kanhi Presidente Rodrigo Roa Duterte.

Samtang gitakda sa Comelec Cebu Province ang mga skedyul sa satellite registration sa mga botante sa 16 ka lungsod ug syudad sa Probinsya sa Sugbo.

Sa Minglanilla adto kini ipahigayon sa Grub Hub Food Park Mall, ug sa Starmall ang satellite registation sa Talisay.

Sa Barili ang mga residente sa barangay Mantayupan adto magparehistro sa covered court sa July 16.

Samtang sa Tabogon ang barangay Manlagtang, Somosa, ug Sambag adto sa Manlagtang Basketball court ang registration. Sa barangay Taba-ao, adto sa Taba-ao basketball court sa July 6; sa barangay Salag ug San Isidro, San Vicente  adto sa San Isidro Baskeball court inigka ka July 7; ang barangay Ilihan ug Managse adto sa Ilihan Basketball court sa July 8; ang brgy Libjo, Caduawan ug Mabuli adto ang registration sa Libjo Basketball court sa July 9. Sa Tabuelan ang registration sa Kanluhangan adto sa health center sa July 13.

Adunay exclusive special registration sa kabatan-onan didto sa ground floor Municipal hall building sa July 14. Samtang ang taga Kanlim-ao adto sab sa covered court niini sa July 16.

Sa Compostela ang schedule sa satellite registration sa baranggay Estaca , July 8 ug Basak (July 16). Sa Liloan ang schedule mao ang mosunod Calero, July 8, Tayud (July 13) San Vicente (July 14).

Sa Poro Camotes, adto sa barangay, Esperanza (July 7), Cagcagan (July 8), Mercedes (July 9), Adela (July 13), San Jose (14), Daan Paz (15), Rizal (July 16), Santa Riza (July 19), Paz (July 20), Altavista (July 22), Libertad July 21. Le Phyllis F. Antojado, Rowena D. Capistrano (BANATNEWS)