Tungod sa utlanan, 74-anyos nga ginang gipatay

CEBU, Philippines — Patay ang 74-anyos nga ginang human kini gipusil sa ilang silingan diha sa Sitio Malingin, Barangay Gunting, Barili kagahapon sa kaadlawon adlaw nga Martes.

Padung unta magdigamo sa pamahaw  si Melchora Bayadog sa dihang kini gikatahong gipusil sa silingang si Joel Saplaag nga usa ka construction worker.

Ang grupo ni Police Staff Sgt. Pablito Caadlawon nga miresponde sa lugar maoy midala sa biktima sa tambalanan apan gideklarar kini didto nga patay na.

Nigawas sa imbestigasyon nga niadtong Hulyo 1, 200 sa buntag  naglalis ang biktima ug ang suspek tungod sa utlanan sa ilang tamnanan. Matud pa nasuko ang suspetsado ngadto sa biktima.

Matud pa sa kapolisan, gipusil ang biktima gikan sa likod nga maoy naingnan sa iyang hinanali nga kamatayon.

Ang 72-anyos nga si Crescencio, bana sa biktima nanawagan sa suspek sa pagtahan ug siya miingon nga dili na unta kinahanglan pang moabot sa pagpatay sa iyang asawa ang hitabo kay maestoryahan ra kini.

Padayon pa ang hot pursuit operation sa kapulisan batok sa suspek.— IBM (BANATNEWS)