Napulo ka sakyanan naugdaw
CEBU, Philippines — Napulo ka mga sakyanan nga gipaayo ang nangasunog ug naugdaw sa usa auto-repair shop diha sa Barangay Marigondon sa Siyudad sa Lapu-Lapu kagahapon sa hapon adlaw nga Domingo.
Ang Marigondon Fire Sub- Station maoy unang nakatubag sa maong alarma apan tungod sa paspas nga pag-ulbo kalayo nangayo kini og backup gikan sa ubang kabomberohan lakip ang sa Cordova Fire Station ug mga satellite fire sub-stations sa maong lungsod.
Ang mga personnel sa City Disaster Risk Reduction and Management office nga gipangulohan ni Nagiel Banacia ang dali usab nga nakatubag sa pagtabang og pawong sa kalayo.
Naglakip sa mga nasunog nga sakyanan mao ang mga multicabs ug uban pa.
Sa kasamtangan wala masuta sa kabomberohan ang hinungdan sa kalit nga pag-ulbo sa kalayo ug walay gikataho nga naangol o kinabuhing nakalas atol sa maong hitabo.— IBM (BANATNEWS)
- Latest