Comelec mangrehistro na alang sa barangay ug SK election

CEBU, Philippines — Mahatagan na usab og higayon ang katawhan sa Cebu City nga makaparehistro aron makabotar sa umaabot nga eleksiyon sa barangay ug Sangguniang Kabataan karong Disyembre 5, 2022.

Kini human nga sugod sa Hulyo 24 hangtud sa 23, 2022 mobalik na sa pagpanawat ang Comelec og voter’s registration.

Apan giklaro ni Cebu City North District Election Officer Atty. Marchel Sarno nga ang mahimong makaparehistro sa SK kadtong mag-edad og 15-anyos sa dili pa ang Disyembre 5 karong tuiga.

Matud ni Sarno nga gumikan sa kagamay sa lugar sa Comelec Cebu City ug gipanglantawan nila nga daghan ang magparehistro aduna sila’y satellite registration nga himuon.

Ang Cebu City magpahigayon og satellite registration diha sa malls diin sa north district sa Hulyo 4 ngadto sa 6, 2022 anha ipahigayon sa Times Square Talamban, sa Hulyo 7 ngadto sa 9 anha sa Robinson’s Cybergate ug sa Hulyo 16 ngadto sa 23 anha sa  Robinson’s Galleria.

Ang sa south district ipahigayon sa Hulyo 4 ngadto sa 16 diha sa SM Seaside  ug sa Hulyo 18 ngadto sa 23 diha sa Robinson’s Galleria kauban sa north district.

Ang Cebu City Comelec aduna usab kini registration nga himuon matag adlaw’ng Sabado lakip na sa holidays.

Ug sa mga magparehistro, ang rekisitos nga kinahanglang dad-on mao ang identification card (ID) ug sa estudyante ilahang student ID.

Giklaro ni Sarno nga walay registration nga himuon diha sa ilahang buhatan ang ipahigayon diha sa ilang buhatan mao ra ang pagkuha og voter’s certification.

Hinuon kon mahuman na ang registration alang sa umaabot nga eleksiyon sa baranga mobalik ra sab sila sa ilahang buhatan.

Dugang ni Sarno nga dili lang registration ang ilahang iakumodar apil usab ang transfer of registration, reactivation ug correction of entry.  Subay niini, magsugod na sa sunod semana sa pagpangreshistro ang Comelec sa Dakbayan sa Talisay isip pangandam sa SK ug barangay election.

Matud ni Josef Buac, election assistant officer nga diha sa parking area sa motorsiklo sa city hall compound himuon ang tulo ka lakang sa pagparehistro samtang diha sa ilang buhatan himuon ang capturing. — /BDB (BANAT NEWS)