Sunday Market sa Carbon lugwayan

CEBU, Philippines — Gilugyawan sa Cebu2World Development Inc. ang ilahang operasyon sa ilahang bag-ong atraksiyon nga mao ang “Sunday Market”, ang bag-o ug iladong food, retail ug entertainment strip tungod sa nagkataas nga public demand niini.

Tulo ka adlaw na ang operasyon niini ug opisyal na kining tawgon nga “Carbon Night Market.”

Sugod niadtong Hunyo 24, nag-abli kada adlaw’ng Biyernes, Sabado ug Domingo kada semana gikan sa alas- 4 sa hapon hangtod sa alas-10 sa gabii.

Matud sa Cebu2World Director Cristina Angan nga gawas sa paglugway sa operasyon sa night market, ang ang Carbon Night Market motanyag sab og dugang kalingawan sa publiko aron sila malingaw.

“Starting this week, we will now extend the Night Market from one day to three days. Because of our growing market, we will also increase the variety of merchants,” sigon ni Angan.

Sa kasamtangan ang Night Market duna nay 100 ka stalls sa mga manindahay.  Mga pagkaon nga bag-o sa panan-aw ang gidugang aron maghatag og dugang excitement sa Cebuano Culinary experience, kadaghan niini specialties sa Carbon Market.

Kini sama a pungko-pungko, siomai, balbacua, larang ug manok Bisaya ug dugang putahe ang available alang sa international flavors sama sa Japanese, Korean ug American sugod sa buwan sa Hulyo.

Gawas sa pagkaon masinati sab sa Carbon night market ang reflexology, tarot reading sa mga residente sa Barangay nga duol sa Carbon sama sa Ermita, Sto. Niño, San Roque nga makatabang pag-augment sa livelihood sa mga partisipante.

Ipakita sab sa Cebu Artist Guild ang artworks sa mga local artists ug modalit sab kini og makalingaw nga kalihukan sama sa henna tattooing ug live portrait     sketching.

“Week on week, there will be new additions to food selections and other attractions so expect more from the night market this July.

We will surely make all Cebuanos, especially families and barkadas enjoy the night market,” dugang ni Angan.

Matod ni angan nga tumong ug tinguha nila nga mapahibawo ang mga Sugbuanon nga ang Carbon ‘mas nindot na.’ —IBM (BANATNEWS)