Chinese KFR  ipahunong

CEBU, Philippines — Gikalipay ni Mayor Junard ‘Ahong’ Chan sa Dakbayan sa Lapu-Lapu ang pagkasikop sa duha ka mga Chinese Nationals nga nangidnap diha sa iyang dakbayan.

Matud pa ni Chan, hugot ilang pakig-alayon sa kapulisan ug sa biktima nga niresulta sa pagkaresolbar sa maong kidnap for ransom incident sa ilang dakbayan.

Sumala pa ni Chan, ang maong rescue operation nataho lang sa media niadtong adlaw nga Miyerkules tungod sa daghan pa nga mga follow-up operations nga gihimo.

Si Chan nitug-an nga ikaduha na ka higayon nahitabo sa iyang dakbayan nga naglambigit og Chinese nationals, ang mga suspek ug ang biktima. Nahitabo ang unang samang insidente unom na ka buwan ang nakalabay.

Buot ni Chan nga mahunong na kini nga modus operandi sa mga Chinese nationals nga namiktima sa ilang mga katagi-nasud.

“Modus operandi na jud ni siya, kinahanglan ma-stop ta ni siya, dili man sab ni ma-kaayo pud sa atoang part sa City especially we are into tourism, nga ingon ana na dunay mga Chinese nga foreigners nga kidnapon sa iyang kapwa Chinese ra sab,” sumala pa sa pamahayag sa mayor.

Didto sa kaulohan, dunay mga susamang kaso sab nga nahitabo nga mga Chinese nationals giunay og kidnap ilang mga kababayan nga nanarbaho sa mga Chinese online casinos.— IBM (BANATNEWS)