Training alang sa mga construction workers gilusad sa DMDP

CEBU, Philippines — Nakig-alayon ang Habitat for Humanity Program (HHP) tali sa kagamhanan sa dakbayan sa Sugbo pinaagi sa Department of Manpower Development and Placement (DMDP) aron matabangan ang mga indibidwal nga makabaton og trabaho ilabi na sa construction industry.

Ang programa nga gitawag og “Panday Buhay Project,” gilusad kagahapon gitumong aron mapalambo ang kahimtang sa mga construction workers ilabi na sa panginabuhian.

Lakip niini ang paghatag og training sa mga workers nga makabaton og multiple national-level certifications.

“More than that, through partnerships with various organizations and institutions, this program elevates the construction industry by supporting our workers and providing them with more opportunities,” suma pa ni Sheila May Daluz, pangu sa DMDP.

Ang HHP usa ka non-government organization nga maghatag sa katawhan og access sa clean water, sustainable energy, health care, education, ug livelihood.

Usa ka programa ang gipahigayon diha sa buhatan sa DMDP kagahapon. Gitanyag sa maong programa ang carpentry, masonry, plumbing, tile-setting, construction painting, electrical installation, ug welding.

Suma pa ni Daluz nga sa higayon nga makompleto na nila ang 38 ka adlaw nga training makasulod gilayon kini og trabaho pinaagi sa ilang nagkalain-laing partners.

Lakip sa ilang partners mao ang Primary Structures Corporation, usa ka subsidiary sa Primary Group of Builders.

Ang kagamhanan sa dakbayan sa Sugbo mohatag og daily allowance nga P300 sa matag participants.

"We are very happy because we really want to help our workers because we have not all gone deep with the pandemic," suma pa ni Daluz. —MEL (BANATNEWS)