Contact tracers i-deploy sa mga tunghaan alang sa anti-dengue operation
CEBU, Philippines — Si Konsehal Joel Garganera, pangulo sa Emergency Operation Center nagkanayon nga makig-alayon sila sa mga barangay, Local School Board ug Department of Education (DepEd) Cebu City Division gumikan kay ang ilang contact tracers i-deploy diha sa mga tunghaan alang na sa anti-dengue operations.
Nasayran nga ang mga contact tracer sa EOC Cebu City gipaubos og training kabahin sa pagbatok sa dengue.
Ang contact traces gihatagan una sila og laing tahas tungod kay ang kaso sa COVID-19 sa siyudad padayon kini nga nikunhod.
Gibutyag ni Garganera nga moabot ngadto sa 500 ang gidaghanon sa contact tracers sa siyudad.
“Just imagine if they will be deployed sa tanang barangay so naa gyu’y impact unya according to priorities among gitan-aw og asa to nga barangay naay daghang incidents of dengue, especially ang barangay nga naay daghang mortalities mao nay gitagaan og pagtutok sa atong mayor karon”, padayag ni Garganera.
Matud ni Garganera nga pangayuon usab nila ang tabang sa tanang barangay responders sa pagpahigayon og anti-dengue operation ug ipaubos usab sila og seminar.
Karong semanaha training pa lang ang gihimo ngadto sa mga personnel sa EOC Cebu City ug human sa ilahang pagbansay-bansay sugdan na dayon sila sa pag-deploy.
Bisan og giatiman nila ang ubang mga sakit giklaro ni Garganera nga nakatutok gihapon sila sa COVID-19 tungod kay naa pa ang pandemiya.
“Structure wise, template wise unya siyempre mindset pod sa mga tawo nato nahibawo na man ta unsay angay pagabuhaton, it’s just that we keep on reminding ang mga tawo sa ingon ani”,dugang ni Garganera. —BDB (BANATNEWS)
- Latest
