Pagtanom og herbal plants i-promote sa Kapitolyo
CEBU, Philippines — Gikatakda nga magpinirmahanay og memorandum of agreement (MOA) ang Probinsiya sa Sugbo uban sa Philippine Institute of Traditional and Alternative Health Care (PITAHC) alang sa paghiusa sa Sugbusog program sa Kapitolyo ubos sa direksiyon sa PITAHC sa pagtanom og mga herbal ug medicinal plants.
“This will now be part of criteria, they need to be able to plant at least ten identified herbal and medicinal plants as identified by the DOH”, matud ni Gobernador Gwendolyn Garcia.
Ang maong proyekto isubay kini sa Kapitolyo sa paglusad sa Sugbusog 3. Ang Kapitolyo nagplano sa pagbansay sa mga barangay health worker uban sa PITAHC alang sa pag-promote sa tradisyonal ug herbal nga mga tanom isip wellness measures”.
Matud ni Garcia nga plano nila karon ang pagbutang og wellness center diha sa 16 ka provincial ug district hospitals.
“So, mao na ang atong buhaton because what I have learned during this COVID period that traditional medicines work. They are inexpensive of course dili na, walay huge pharma firm ana nga makapanghatag og commissions kay you plant your own herb man like lagundi”, dugang ni Garcia. BDB (BANATNEWS)
- Latest