Namaligya’g butane gipadakop sa DOE

CEBU, Philippines — Gidakop ang usa ka 22-anyos nga lalaki nga giingong namaligya og butane nga walay papeles diha sa Barangay Poblacion, Toledo City, Miyerkules sa hapon. Ang nasikop naila nga si Jake Enriquez, taga Sitio Baybay Uno, Poblacion Toledo City.

Nangulo sa maong operation mao ang CIDG Cebu PFU uban ang Toledo City Police Station ug 2nd PMFC-CPPO.

Ang CIDG Cebu Provincial Field Unit sa pakig-alayon sa Department of Energy nihimo og police operations batuk sa dinakpan kinsa illegal namaligya niini nga walay permiso.

Ang maong dinakpan nakalapas sa BP 33 as amended by PD 1865 in relation to DOE Department Circular No.2014-01-0001 LPG Industry Rules.

Nasakmit gikan sa dinakpan ang buy bust money; 170 ka butane canisters nga adunay LPG nga sulod, 57 ka mga walay sulod nga ug duha ka plastic containers nga puno sa diesel product nga mobalor tanan og P16 mil.— IBM (BANATNEWS)