Rama: Mga ginikanan ang responsable sa ilang mga anak

CEBU, Philippines — Gihulagway ni Cebu City Mayor Michael Rama nga responsiblidad sa mga ginikanan aron ang ilang mga anak ilabi na kadtong mga menor de edad dili mogawas sa ilahang panimalay ilabina nga nagkataas na usab karon ang kaso sa COVID-2019 sa siyudad.

Niining ulahi, ang kapolisan sa siyudad sa ilang pagpapatrolya ug pagpatuman sa curfew hours mga menor de edad ang kasagaran nilang ma-rescue.

Ang curfew sa mga menor de edad magsugod sa alas 10 sa gabie hantod sa alas 4 sa kadlawon.

“Pahinumduman ang mga ginikanan kay dili na sila dapat ang mga bata naa sa gawas unsa ng klaseha ginikanan?, mao nang hagit na sa mga ginikanan aron dili sila ingnon sa ilahang mga anak kamo ginikanan mosukol sa anak”, matud ni Rama. Gikataho nga kapin sa 100 ka police personnel ang gi-augment sa Cebu City nga gikan sa Regional Mobile Force Battalion aron motabang sa pagpatuman sa guidelines sa Executive Order No. 157 ni Rama.

Kini human nga padayon nga nisaka ang kaso sa COVID-19 sa Siyudad sa Sugbo.

Si Rama nagkanayon nga seryoso ang siyudad sa pagpatuman sa basic health protocols ug padayon kining nanawagan sa katawhan nga kon wala’y importanteng tuyo sa gawas magpundo lang gyud sa balay.

“This administration really mean business…Now in terms of people how you call it observing curfew they should all be mindful that we really mean business, citation, etc., we do not want even to arrest ought to be if they will just be reminded puyo lang sa ta og wala tay buhaton”, ni Rama pa.

Nasayran nga kadtong mga madakpan sa curfew dad-on sa holding center ug mahimong makamulta og P1,000 apan kon walay ikabayad sa multa pahimuon sila og community service sulod sa pila ka oras. BDB (BANATNEWS)