Kapin 4 mil nakadawat na sa tag P5 mil nga ayuda sa Naga
CEBU, Philippines — Miabot sa 4,252 ka tawo ang nakadawat og tag P5 mil pesos sa Dakbayan sa Naga isip tabang sa matag pamilya nga naguba ang ilang panimay tungod sa bagyong Odette.
Niadtong miaging adlaw, 655 ka Nagahanon ang nidawat sa Humanitarian Shelter Rehabilitation Assistance (HSRA).
Ang pundo naggikan sa panudlanan sa Dakbayan ubos sa liderato ni mayor Kristine Vannesa Chiong.
Gipasabot sa kagamhanan sa Naga nga gihatagan sa maong hinabang mao kadtong mga molupyo diin ang panimay hingpit nga naguba ug dili na mapuy-an tungod sa pagkuso-kuso sa bagyo.
Ang ilang pagpanghatag sa hinabang gisugdan niadtong Disyembre 31 hangtud sa milabay nga adlaw.
Gidasig ang katawhan kinsa kadtong adunay mga pangutana giawhag nga moduol lang sa mga opisyales sa barangay aron mahatagan kini og pagtagad. MEL (BANATNEWS)
- Latest