18 ka brgy nakadawat na og tabang pinansyal sa siyudad
CEBU, Philippines — Moabot na sa 90 porsyento sa mga barangay sa siyudad sa Sugbo ang nakadawat na sa ayuda nga bugas gikan sa dakbayan.
Kini ang gitug-an ni Portia Basmayor, pangulo sa Department of Social Welfare and Services (DSWS) Cebu City.
Ang siyudad nanghatag og tag lima ka kilong bugas sa mga naapektuhan sa bagyong Odette.
Giklaro sab ni Basmayor ang nigawas nga post sa Facebook diin dunay ticket sa DSWS nga dunay suwat nga “Better Luck Next Time” nga dili to mao ang ilahang ticket ug strategy kini matud pa sa barangay aron maapod gyud ang hinabang sa tanan.
Gisubay na ni Basmayor kun si kinsa ang naghimo sa maong strategy ug iyang nasuta nga pamaagi kini sa ubang barangay.
Mahitungod sab sa P5 mil nga ayuda si Basmayor miasoy nga 18 pa lang ka barangay ang nahatagan nila ug kasagaran mga mountain Barangays.
Posibleng sunod semana ang 14 ka Barangay ang makadawat na sab sa maong ayuda.
Nasayran nga per structure ang paghatag niini, totally ug partially damage diin dunay maglista nga mga job order employees sa mga barangay. “The barangay staff, barangay officials nanglista, among gitan-aw ang lista sa BHN gitan-aw namo og maayo kung kinsa toy nag doble ang ngalan mao tong gi cleansing namo ang name”, suma pa ni Basmayor. MEL (BANATNEWS)
- Latest
