Dugang polis i-deploy sa Cebu City
CEBU, Philippines — Gikatakdang mag-deploy og dugang mga polis sa kadalanan ug kabarangayan ang Cebu City nunot sa pagsaka sa mga kaso sa Covid-19 aron sila maoy mopatuman sa hugot nga implimentasyon sa minimum health protocols nga wala na gisunod sa mga tawo karon.
Si Cebu City Mayor Michael Rama nakig-alayon na kang Police Regional Office-7 Director Brigadier General Roque Eduardo Vega ingon man sa bag-ong City Director sa Cebu City Police Office Police Col. Ernesto Salvador Tejada Tagle aron magbutang og augmentation force sa siyudad.
“We’ve got to be serious, extra serious, further serious in the compliance of the protocols and the PNP to get hold of all my directive and then the ordinance of the City Government so that people will not take our enforcement lightly,” sigon ni Rama.
Nasayran nga dili kini ang unang higayon nga si Rama nangayo og augmentation sa kapulisan, sa miaging tuig nangayo na sab kini aron makatabang sa pwersa sa kapulisan sa Cebu City Police Office ilabi na sa pagpatuman sa Oplan Puyo niini.— IBM (BANATNEWS)
- Latest
