Alert level 3 ang Cebu, Bohol, Negros Oriental

CEBU, Philippines — Giapil na karon sa Inter-Agency Task Force ang Cebu Province, Bohol,  Negros Oriental ug Lapu-Lapu City sa Alert Level 3 status hangtod sa kataposang adlaw sa bulan sa Enero 2022.

Gipahibalo kini ni acting Presidential Spokesperson Karlo Nograles human nga giaprobahan sa IATF ang  Resolution No. 157- A nga naglatid sa bag-ong alert level classification sa mga lugar sa Pilpinas sugod Enero 16 hangtod Enero 31, 2022.

Ang Lapu-Lapu City maoy unang gipaubos sa Alert Level 3 sugod Enero 9 hangtod Enero 15, dayon sunod gipaubos ang Mandaue City ug Cebu City ug kagahapong adlawa ang Cebu Province, Bohol ug Negros Oriental. Sa tibuok Central Visayas, Siquijor lang ang anaa sa Alert Level 2.

Sa pagsulat niinign balita, wala pay tubag o pamahayag si Gobernadora Gwendolyn Garcia sa bag-ong klasipikasyon, apan ang gobernador una ng nagkanayon sa niaging interview kaniya nga dili ma afford sa Probinsya nga mag restriction na sab tungod ubay-ubay nga mga Sugboanon ang apektado sa bagyong Odette.

Matud sa gobernadora gibanabana nga anaa sa 90, 000 ka pamilya ang walay panimalay tungod sa bagyo. 

Apil sa mga gipaubos sa Alert Level 3 sugod Enero 16 mao ang Baguio City, Ifugao, Mountain Province, Dagupan City, Ilocos Sur, Santiago City sa Region 2, Cagayan, Angeles City, Aurora, Bataan, Bulacan,Olongapo City, Pampanga, Zambales, Rizal, Batangas, Cavite, Laguna, Lucena City, Marinduque, Romblon, Camarines Norte, Catanduanes, Naga City, Sorsogon, Iloilo City, Iloilo, Negros Occidental, Guimaras, Ormoc City, Biliran, Eastern Samar, Leyte, Northern Samar, Southern Leyte, Western Samar, City of Isabela sa Region 9, Zamboanga City, Zamboanga del Sur, Bukidnon, Iligan City, Misamis Occidental, Misamis Oriental, Davao del Sur, Davao del Norte, General Santos City, dSouth Cotabato, Surigao del Sur, Agusan del Norte ug Lanao del Sur.— IBM (BANATNEWS)