9 ka simbahan misahan ni Palma sa Misa De Gallo
CEBU, Philippines — Siyam ka mga karaan nga simbahan sa Archdiocese of Cebu, ang adtuon ni Archbishop Jose Palma, alang sa iyang Misa de Gallo, sugod karong December 16-24, 2021.
Ang eskedyul sa maong pagmisa ni Palma mao kining mosunod adto sa St. Peter and Paul sa Bantayan Island; nga bisitahon karong Disyembre 16, Archdiocesan Shrine of San Nicolas de Tolentino, San Nicolas Cebu City sa Disyembre 17, Patrocinio de Maria Parish, Boljoon Disyembre 18, 19-San Guillermo de Aquitania Parish, Dalaguete; sa Dec. 20-Archdiocesan Shrine of St. Michael the Archangel Parish Argao; Dec. 21-St. Catherine of Alexandria Carcar; Dec. 22- St. Anne Barili; Dec. 23- National Shrine of St. Joseph Mandaue; Dec. 24-Cebu Metropolitan Cathedral.
Ang Santos nga Misa pagasugdan sa alas kwatro y media sa kadlawon.
Matud pa sa Arsobispo, mapasalamaton siya tungod kay karon madayon na gayud ang pagpahigayon sa Santos nga misa sa 9 ka mga karaan nga simbahan nga aduna usab Jubilee Door.
Gidugang ni Palma, ang pagpahigayon sa Misa de Gallo sa mga karaan nga simbahan, subay kini og pahaum sa 500 years of Christianity. MEL (BANATNEWS)
- Latest